Heber 6 : 9 – 12
Thema : Dibata Nginget Keleng Atendu
Heber 6 : 9 – 12
Bahasa
Karo
6:9 Tapi o senina-senina si ikelengi kami, amin bage gia
ikataken kami, kerna kam tek nge kami maka lit i bas kam si terulin si lit
pertalinna ras keselamatenndu.
6:10 Dibata bujur nge. Labo pagi ilupakenNa dahin si enggo
idahikenndu e. IingetNa nge keleng atendu nandangi Ia, si icidahkenndu arah
nampati teman-temanndu kalak Kristen, subuk si enggo idalankenndu bage pe si
paksana idalankenndu.
6:11 Ngarap kami gelah kerina kam tetap ergiah-giah ukurndu,
gelah kai si iarap-arapkenndu e ialokenndu pagi dungna.
6:12 Ate
kami ola min kam mekisat. Tapi nggeluhlah kam ngusih kalak si enggo tek dingen
saber, gelah ialokenndu kai si enggo ipadanken Dibata.
Sumber photo : https://www.scripture-images.com/bible-verse/web/hebrews-6-9-web.php
Fakta Dan Makna
1. Kerna kam tek nge kami maka lit i bas kam si
terulin si lit pertalinna ras keselamatenndu. Enda kata kata si membangun harapan ras apresiasi siibereken penulis
kitab Heber enda man pe perpulungen kalak Heber si marpar ku belang belang doni
janah sangana dat tantangen ibas kinitekenna man Jesus Kristus Tuhan. Gelah ula sempat kalak Heber enda nadingken
Tuhan Jesus si melias si dem alu keleng ate e,
emaka ipeseh penulis kata kata apresiatif , kata kata penggembalaan man
kerina kalak si enggo tek man Tuhan Jesus.
Kerna kam tek
nge kami, maka lit ibas kam si terulin si lit pertalinna ras keselematanndu. Kalimat enda
punya makna, “amin mbue pe perbeben ibas kam ibas paksa enda,
kami punya keyakinan labo kam
tergoda gelah nadingken Tuhan Jesus e,
sebab bas Jesus kin ngenca lit keselamatan e”.
2.
Dibata
bujur nge. Labo pagi ilupakenNa dahin si enggo idahikenndu e. Ibas
ayat enda enggo lebih tangkas iban penulis kitab Heber enda, ise ras uga kin
Tuhan Jesus s idem alu perkuah ate ras konsistensi e. Nina, Dibata bujur nge labo pagi ilupakenNa
dahin si enggo dahikenndu e. Ertina
terekam kerina perbahanen perbahanen si mehuli e, janah Tuhan pasti erbalas
kebaikan man ise pe sierbahan kebaiken.
Enda itekanken penulis Kitab Heber enda, gelah kalak Heber si sangana
ngenanami kiniseran e ula putus asa, ula kapok, ula ngadi tetap erbahan si
mehuli ras ngikutken Tuhan Yesus e. Sekalak
penulis ngataken ibas tulisanna kecibal kalak Heber enda,
· (1) kalak si
tetap tek man Tuhan Jesus,
· (2) kalak si lanai tek man Tuhan Jesus erkiteken
terlalu mengandalkan logikana ras intelektual na
· (3) kalak si lanai tek man Tuhan Jesus erkiteken
mulihi ku Judaisme.
Emaka
situhuna kal man kita pe adi siukuri
maka kitab Heber enda nekanken man kita gelah tetap tek man Tuhan Jesus e,
tetap erpengendes ku Ia janah kiniteken si konsisten man Tuhan Jesus e pasti
mbereken kiniulin man kerina kalak.
3. Ngarap kami gelah kerina kam tetap ergiah-giah ukurndu,
gelah kai si iarap-arapkenndu e ialokenndu pagi dungna Ibas bagian si peteluken enda itekanken penulis
nandai ras kiniteken man Dibata arah Tuhan Jesus labo statis
tah tetap bage, tapi ia dynamis bergerak maju ku lebe menuju ku kedewasan si
lebih sempurna. Kiniteken man Tuhan e,
erdewasana arah percubaan (ujian) si
ilewati. Emaka bicara kutera pe
percobaan e, erteremna teman tah kalak si lanai tek man Tuhan Jesus, tapi kita tetap
ergiah giah ras Tuhan, eme bukti kedewasaan e.
Sebab mampu ia ngidah dibalik kerina percobaan e lit kepastian ibas
keleng ate Tuhan, eme ciri ciri kalak si enggo dewasa pengenenna ras pe keyakinan/iman
na man Tuhan Jesus. Kita pe, mari lah
kita tetap ergiah giah ibas ndalanken dahin dahin pelayanannta sebagai bukti
kedewasaan iman ta man Tuhan ta si melias dingen perkelen e. Amin.
Pengkenaina
·
Dibata pasti nginget kerina keleng
ate sinibahan kita man teman teman ta sesame manusia. Janah siidah ijena pemere si mbelinna kal
emekap pengajaren si erbahanca kalak sideban tetap erkiniteken man Tuhan
Jesus. Lebihen asang kai pe. Contoh na lit pemerendu man sekalak jelamaRp
10 juta rupiah, tapi dungna papa kia tadingkenna Tuhan Jesus, kalak sideban
ikelengina ras iajarkenna temanna gelah tetap bas Tuhan Jesus. Adi ibandingken pemere na e nge si belinen
asangken sen Rp 10 juta. Emaka ise pe si
banci erbahan kalak tetap erkineteken bas Tuhan Jesus, maka pemerena e seh kal
belinna janah ia tetap iinget Tuhan Jesus.
·
Arah nas pjj nta enda perlu kal
siinget bahwa erkiniteken man Tuhan Jesus lit proses na si gedang. Nandai Tuhan Jesus e, perlu kal iajarken
kitik kitik nari, gelah la hanya tidakan temporer, tapi enggo jadi kebiasaan
tah pe karakterna. Adi lit kalak
nadingken Tuhan Jesus, erkiteken nandai Tuhan Jesus e masih temporer langa jadi
kebiasaan tah pe karakterna. Kitik kitik
nari, bahkan ibas bertin nari pe enggo perlu siajarken TUhan Jesus e man anak
anakta. Amin ?
Bujur ras mejuah juah kita kerina.
Pt. Analgin
Ginting.
Komentar