Khotbah : 1 Johanes 4 : 16b –
21
Tema : Jabu Si Nehken Kekelengen
(Jabu si er-Sosial Budaya/Ersangkep Geluh)
16. Janah kita jine nggo meteh janah tek nandangi kekelengen
Dibata man banta. Dibata kekelengen kap, janah ise si erkeleng ate ia ringan
i bas Dibata janah Dibata ringan i bas ia.
17. Kekelengen
e ibahan jadi serta i bas kita gelah kita la mbiar jumpa ras Dibata i bas Wari
Pengadilen. La kita mbiar sabap kegeluhenta i bas doni enda bali ras kegeluhen
Kristus sangana Ia i doni enda denga.
18. I
bas keleng ate la lit kebiaren. Kekelengen si serta erbahanca kita lanai mbiar.
Ukumen nge si erbahanca turah kebiaren; emaka kalak si mbiar denga, e tandana
langa lit i bas ia keleng ate si serta.
19. Kita ngkelengi, sabap leben Ia ngkelengi kita.
20. Adi lit kalak si ngatakenca maka keleng atena Dibata, tapi
nembeh atena man seninana, kalak si bage perbual. Sabap kalak si la ngkelengi
seninana si idahna, labo tuhu ia ngkelengi Dibata si la idahna.
21. Enda
me perentah si nggo sialoken i bas Kristus nari: ise si ngkelengi Dibata, arus
maka ikelengina pe seninana. KemulianNa
Sumber photo : https://www.focusonthefamily.com/marriage/serving-together-in-your-neighborhood/
Fakta dan Makna
1. Janah kita jine nggo meteh janah tek nandangi
kekelengen Dibata man banta. Dibata
kekelengen kap, janah ise si erkeleng ate ia ringan i bas Dibata janah Dibata
ringan i bas ia. Informasi
paling utama sibanci isimpulken manusia kerna Dibata, terlebih arah penandai
manusia kempak Yesus Kristus Tuhan, maka DIBATA e kekelengen. Emaka, hubungan DIBATA ras manusia erpalas
kubas Kekelengen si la ersibar. Dibata
la ersibar, emaka kekelengen Na man manusia pe la ersibar. Selanjutna, erkitaken manusia berhubungan ras
Dibata s idem kekelengen si la ersibar, emaka bas manusia e pe dem kekelengen. La mungkin manusia si terhubung ras DIBATA si dem kelengen la
ndat kekelengen. Kuja kekelengen
manusia e terhubung, emekap ku kerina jabu.
Jabu e terhubung ras Dibata arah perkuah ate Dibata, sekaligus arah
kiniteken jabu e man Dibata. Tek jabu =
Terhubung Jabu à Dem keleng ate. Amin.
2. Kita ngkelengi, sabap leben Ia ngkelengi kita. Jabu si tek man Tuhan DIbata emekap jabu si enggo nggejapken maka ia
enggo leben ikelengi DIBATA. Emaka ibas
jabu e nehken kekelengen palasna sebab enggo ermburak mburak bas IA keleng ate
Dibata e. Kenyataan situhu tuhuna pe bage
kin nge. Emaka jabu e aktif kal ia ibas
ndahiken dahin gereja, dahin sosial perkade kaden, teridah ia bas lingkungen na
rt rw na, bagepe la ia la peduli man dahin dahin ibas negara ras bangsa enda,
misalna mendonorken darehna, ngerawat lingkungan, menjaga keamanan lingkungan sosial
na. Pemikiren, waktu, energi bahkan sen
na pe, ietruskenna alu la hitung hitungen.
Ibas kaitan adat buday karo, ikelengina kal ras ihamatina sangkep
nggeluhna. Rajin ia ndahi dahin dahin
adat, bagepe usur ka iundang na/itenahkenna kade kade na ras teman meriah na
3. Adi lit kalak si ngatakenca maka keleng atena
Dibata, tapi nembeh atena man seninana, kalak si bage perbual. Sabap kalak si
la ngkelengi seninana si idahna, labo tuhu ia ngkelengi Dibata si la idahna. Tapi adi siukuri ras sitatap kubas fakta fakta, lit ras melala ka
kepeken kalak perbual bas doni enda. Kam
gia ma pernah tah usur idahndu kalak perbual ?
Uga kin ciri cirina kalak perbual ?
Kalak perbual e tahpe jabu perbual e si bas babahna ikatakenna Keleng atena Dibata, tapir as senina
pe rubat ia. Ikatakenna tek ia man TUHAN
DIBATA janah keleng atena man DIBATA, tapi labo ia idah bas dahin dahin
adat. Kalak sib age nge ikataken kalak
perbual e teman. Sebab bagi ndai enggo
sjelasken arah datas, bahwa kalak si tek man DIBATA ras si enggo leben
nggejapken keleng ate DIBATA nge si mehamat ras meriah ras senina ra s sangkep
geluhna. Enda la diatena sangkep
nggeluhna ndai, ma perbual dage e.
hahahha. Kam ma labo perbual,
kam ma keleng atendu seninandu. Keleng atendu pertua diaken ras pendeta
ndu? Keleng atendu teman teman saa sector
ndu ? Ma labao kam pernah erpenulak adi
ipindo rumahndu ingan er PJJ. Ma meriah
ukurndu adi ipindo perpuluhenndu ras komitmen Janji imannadu. Adi tuhu kin bage, tuhu bage aku nindu
lah. Amin.
Pengkenaina
·
Persoalan nggeluh imulai ibas jabu nari. Uga prilaku ras kebiasaan ndu darat, akarna
bas jabu nari. Apakah jabu e jabu si
mengucap syukur atau jabu perbual enda itentuken ibas jabu e nari nge. Adi enggo jabu e nggejapken keleng ate
DIBATA, tehubung jabu e ras DIBATA, emaka teridah ucapan syukurna, keramahanna,
mediate ras erpemere na. Tapi adi langa jabu e tek ras ngejapken perkuah
ate DIBATA, melala usur cakapna ras rekayasa alasan alasan na. Jabu ndu jabu siapai dage ???
·
Bahanlah jabundu terhubung ras TUHAN
DIBATA gelah maler keleng ate DIbata e ku tengah tengah jabundu. Ertoto, bersekutu, bersaksi ras berdiakonia,
bageme jabu si enggo terhubung ras DIBATA.
Pindo gegeh man TUHAN ibas pertoton syafaattndu sada jabu. Amin?.
Bujur ras mejuah juah kita kerina.
Pt. Analgin
Ginting
.jpg)
Komentar