Catatan Tambahan Pekan Keluarga GBKP 2022, Hari 1

 Khotbah : Kejadian 6  : 9 – 22

Tempas Keluarga Dibata

6:9-10    Enda me turin-turin kerna si Nuah. Lit telu anak dilaki ipupusna, e me: Sem, Ham, ras Japet. I bas jamanna Nuah ngenca si mehuli, janah la lit kesalahenna. Ia erdalan i bas dalan Dibata,

6:11        tapi kerina kalak si deban tuhu-tuhu jahat i lebe-lebe Dibata, janah i japa pe terjadi kejahaten.

6:12        Itatap Dibata doni enda, janah idahNa kejahaten kerina i je, sabap manusia kerina enggo mbau lagu langkahna.

6:13        Nina Dibata man Nuah, "Enggo Kutetapken maka Kusasapken me kerina manusia. Kukernepken ia kerina, erkiteken doni enda enggo dem alu kejahaten manusia.

6:14        Bahanlah sada kapal man bandu i bas kayu si nteguh nari. Bahan kamar-kamarna janah lapisi alu ter arah bas ras arah darat.

6:15        Bagenda bahan kam ukurenna: gedangna 150 meter, belangna 25 meter, ganjangna 15 meter.

6:16        Bahanlah tarumna setengah meter ganjangna i babo dingdingna nari. Kapal e ertingkat telu i bas, janah tama sada pintunna i bas sada dingding.

6:17        Kuban ateKu banjir si mbelin i doni enda, gelah kernep kerina si nggeluh. Kasa kai si lit enda la banci la mate kerina,

6:18        tapi ateKu erbahan sada perpadanen ras kam. Bengketlah kam ku bas kapal ras ndeharandu, anak-anakndu, bage pe ras permainndu.

6:19-20 Tamaken ku bas kapal e sada pasang i bas tep-tep erbage rubia-rubia ras tep-tep erbage perik-perik gelah ola keri mate.

6:21        Tamaken ku bas kapal e kerina erbage pangan man bandu ras man rubia-rubia ras man perik e."

6:22        Ilakoken Nuah kerina kai si iperentahken Dibata man bana.

Sumber Photo : https://hamzahoei.me/2016/02/26/dalam-bahtera-nuh/

Fakta dan Makna

1.    I bas jamanna Nuah ngenca si mehuli, janah la lit kesalahenna. Ia erdalan i bas dalan Dibata. Nuah ras telu anakna Sem, Ham, Japet berani tampil beda ibas carana nggeluh.  Janah itulisken ibas perikop enda, maka Ia (ras keluargana) erdalan ibas dalam Dibata. Berbeda ras lingkungan sekitarna tentu melala tantangan bagi siigejapken Nuah, melala caci maki, melala ejekan, melala kalak nokohi ras sidebanna. Tapi bage me tempas keluarga singena ate Dibata.  Emaka man  banta pe kerina senina ras turang, ula kita mbiar itokohi, iejek, icaci maki tahpen iasingken kalak ibas kita mbabai jabunta erdalan ibas kata Dibata.  Pasti Tuhan nampati kita. Amin?

2.    Nina Dibata man Nuah : Bahanlah sada kapal man bandu i bas kayu si nteguh nari. Bahan kamar-kamarna janah lapisi alu ter arah bas ras arah darat. Sada visi si jelas ibereken Tuhan man Nuah, janah visi e sangat unik, aneh ras tempa tempa la masuk akal.  Tapi erkiteken bas Tuhan nari rehna visi, emaka Nuah pe sangat menghargai visi si reh bas Tuhan nari e, sekalipun ndauh ibas logika si enterem nari.   Kepeken adi megermet kita, man setiap jabu singena ate Tuhan, jabu sierdalan ibas dalan Dibata ibereken Tuhan visi entahpe goal (tujuan) jabu ta e.  Bentuk na visi e berbeda nge antar sada jabu ras jabu sidebanna, tapi tujuanna sada emekap nuduhken/mewujudkan peraten Dibata.  Tuhan make jabu si ernalem man Bana ndalanken sura sura /program si reh ibas DIBATA nari.  Emaka perlu kal jabu e mbegiken sora Dibata, gelah ietehna idatna visi bas Tuhan nari.  Bapa tengah jabu, selaku imam bas keluarga lah yang paling bertanggung jawab lako ndatken visi e.  Sungkun lah IA janah begiken IA.

3.    Ilakoken Nuah kerina kai si iperentahken Dibata man bana.  Visi si reh bas Tuhan nari man NUAH sangat jelas ras sangat detail, emaka Nuah ietehna kai siman dahinken. Jenari idahikenna erbahan kapal, ija ndeharana ras anak anakna nampati ia alu la erpenogan.  Seh dung bagi sijelasken ras siiperentahken Tuhan idalani Nuah she maka rencana Tuhan banci erdalam ibas komitmen Nuah sada jabu.  Visi labo hanya sekedar diketahui, labo hanya sekedar ibangga banggaken, perlu pe idalanken.  Emaka adi enggo datnndu VISI nandangi jabundu, dalankenlah uga latihna pe akapndu, uga serana pe akapndu ndahikensa.  Sebab Tuhan tetap nampati ras nggit campur tangan gelah sukses ras tuntas kam bagepe kita kerina.  Amin.

 

Pengkenaina

·       Keluarga si  tempasna Dibata, erdalan ibas dalan sienggo iperentahken DIBATA.  Emaka jabunta pe kerina erdalanlah ibas kata DIBATA bagi sin gena ate Dibata.  La padah jabunta bagi jabu FS si jadi pergunjingen ibas paksa enda.

·       Jabu Tempas Dibata, ndatken visi ibas Dibata nari kai siharus ilakokenna.  Jabu e menjadi bagian rencana Dibata ibas IA ngkelengi doni enda.  Emaka pindolah visi e man TUHAN DIbata.  Adi enggo datndu visi e, ulanai tertarum tarum, mis lah dalanken.  Waktu bas kegeluhen enda jahat, banci keri waktu ta e ndalanken hal hal si lalit hubungenna ras visi ta.  Tuhan Dibata pasti nampati kita ibas kita ndalanken jabunta si jadi tempas DIbata. Amin?.

Bujur ras mejuah juah kita kerina.

Pt. Analgin Ginting