Minggu XXII Kenca Trinitatis/Minggu ----
|
Invocatio
|
Kerina kam arus mehamat man nande ras bapandu,
janah arus nginget wari Sabat, bagi si enggo Kuperentahken. Aku kap TUHAN
Dibatandu (Imamat 19 : 3 )
|
|
Ogen
|
Efesus 6 : 1 – 4
|
|
Khotbah
|
Ulangan 7 : 12 – 15
|
|
Thema
|
Tutus Ngikutken Tuhan.
|
Ulangan 7 : 12 – 15
Cakap Karo
7:12 "Adi
ibegikenndu kerina undang-undang enda, janah iikutkenndu alu tutus, TUHAN
Dibatandu tetap ncikep perpadanenNa man bandu, janah icidahkenNa keleng ateNa
si tetap, bagi si enggo ipadankenna man nini-ninindu.
7:13 IkelengiNa ras ipasu-pasuNa kam, gelah erteremna kam,
janah nterem pupusndu. Ipasu-pasuna jumandu gelah mbuah pagendu, anggurndu,
minak saitundu. Ipasu-pasuna kam alu mereken mbue lembu ras biri-biri man
bandu. Kerina pasu-pasu enda isehkenNa man bandu i bas negeri si enggo
ipadankenNa man nini-ninindu nai maka iberekenNa man bandu.
7:14 La lit bangsa si deban i babo doni enda si seri buena ndat
pasu-pasu ras kam. La lit sada pe i bas kam nari ntah i bas asuh-asuhenndu
nari si la lit anakna.
7:15 Ipedauh
TUHAN kerina penakit i bas kam nari. La ibereNa kam kena penakit si mekelek
bagi si idahndu sanga i Mesir mbarenda tapi itamakenNa man musuh-musuhndu.
Pendahuluan/Pembukaan.
Syaloom senina ras Turang ibas kelengen Tuhanta
Yesus kristus. Adi pegejap gejapndu bas pusuhndu apai nge buen, kam ngikutken kata Dibata tah
NImbak kata Dibata?
Apai nge buen kam ermeriah ukur tah ukur gulut ?
Apai kam lalan ndat pasu pasu tah dan kesialan ?
Ise dage si menentukan kam, aku, kita kerna
ndatken pasu pasu tah ndatken palu palu.
Hahahahha.
Mari dage sigargari bas khotbah ta sekalenda…
Sumber photo : https://www.youtube.com/watch?v=mn4DIvMIC6c
Fakta dan Makna (info paling penting dari Nas dan relevansinya dengan kehidupan
saat ini )
1. Adi ibegikenndu
kerina undang undang enda, janah ikutkenndu alu tutus, Tuhan Dibatandu
tetap ncikep perpadanenNa man bandu. Bagenda me awal perjanjian TUhan Dibata
ras Bangsa PilihenNa, kenca Bangsa enda mulai mengket ku Taneh Perjanjian… Adi ibegikenndu kerina Undang Undang
enda. Tersirat
ije kebebasan. Kebebasan memilih… adi
ibegikenndu mengandung makna, banci lang.
Banci begiken ras ikutken, banci ka la begikenna ras la ikutkenna. Dibata ta e la pemaksa, la iharuskenNA, tapi
ihargaiNA kal manusia si enggo itepaNA ras si segambar ras Ia. Ertina tersena secara teologis bahwa manusia
e, lit harkat ras martabatna, lit kesah na si reh Bas Tuhan nari, lit
pemikirenna ras kemampuan berfikirna. Sekalak
sekalak manusia e, la banci ise pe ngasup memaksa ia gelah melakukan sesuatu
(adi nggit ia tah la nggit ia). Secara
kelompok manusia e, terpuk, suku tah bangsa la banci lit sada kekuatan pe
sibanci memaksa ia. TUHAN ietehNA kal e,
sebab IA si nepasa kerina manusia, kerina bangsa bangsa… emaka nina Adi ibegikenndu. Sada
contoh nari, bagi kita orang tua pe labo banci maksa anak anakta. Anakta kal, buah bara ta kal, pupus ta kal pe
labo banci bagi ukurta ate ta lalap anakta e.
Emaka perlu kal anak anakta e siajarken gelah begikenna, ingetna ras
idalankenna pengajaranta “Adi ibegikenndu anakku pedah kami nande bapandu,,,
ras seterusna“
2. IkelengiNa ras ipasu-pasuNa kam, gelah
erteremna kam, janah enterem pupusndu. Adi ibegiken Bangsa
e Undang Undang Tuhan, maka Tuhan lebih engkelengi Bangsa e gelah bangsa e tuhu tuhu teridah ibas kerina
pengkebetna ras sejarahna sebagai bangsa
pilihen. Kerina kebutuhan bangsa e,
kerina sura sura bangsa e, kerina cita cita ras keperluan bangsa e enggo
isediaken Tuhan man ia. Entabeh nari
nge ya adi kai pe Tuhan menyediakensa. Em nina Tuhan iberekenNA adi bangsa e tuhu
tuhu mbegiken undang undang ibas geluhna. Ibas ayat enda pe teridah kai kin
palas na maka Tuhan nggit mereken pasu pasu man bangsa pilihenNA. Simple situhuNA, gelah bangsa e ipake Tuhan
guna ngekelengi kalak sideban. Jadi adi
bage, ipasu pasu TUhan bangsa Jahudi gelah bangsa Jahudi e banci ka ngkelengi
bangsa sideban. Jadi labo bangsa Jahudi
ikelengi Tuhan, gelah ia saja ipasu pasu.
Lang la bage. Ise pe ipasu pasu
Tuhan, gelah sini pasu pasu banci ka nerusken pasu pasu e ku kalak si deban.
Emaka adi pindo ndu
pasu pasu man Tuhan, harus ka iteruskenndu pasu pasu si enggo alokenndu man kalak si deban. Gelah kerina ndatken ras nggejapken pasu pasu
si reh na bas TUHAN nari. Adi
cikepndu saja pasu pasu e, kai ertina TUhan masu masu kam ? Pindo lah pasu pasu man TUHAN janah salurken
lah pasu pasu si enggo idatndu e man kerina temanta manusia.
Kai Ertina kinibeluhen
Guru I Timur nari, gelah banci ietehna ndigan ras ija RAJA di atas Segala raja
e, TUHAN YESUS e tubuh. Jenari dahina
ras babana persembahan si seh kal kal kal ergana. Kalak Kristen, jemaat GBKP kerina ipasu pasu
TUhan ia adi begikenna undang undang TUHAN, jenari ibagikenna ka pasu pasu e
man kalak si deban. Amin ?
3. La lit bangsa si deban i babo doni enda si
seri buena ndat pasu-pasu ras kam. Payo
kal, la lit bangsa kai pe i doni enda si seri ndatken pasu pasu bagi Bangsa
Jahudi. Kitik negarana, tapi aman ia je
tading sebab malaikat Tuhan njagaisa.
Ipasu pasu Tuhan bangsa enda ibas kerina dampar; ekonomi, teknologi, ilmu pengetahuan, pertanian, persenjataan, hp, computer
ras bidang bidang sideban bas geluh enda. La lit si seri hebatna ras bangsa enda. Ija pe kalak Jahudi ihormati ras
isegani. Bage ka pe kerina kalak
Kristen, ija pa pe ia ringan ia isegani ras ihormati. Terlebih pe adi ia sendiri melumbar mere man
kalak si deban alu la erpilihen. Adi ihormati
kalak atendu kam, tutus kam erdahin ikutken Undang Undang Tuhan, pindo pasu
pasu man Bana saja, jenari bereken ka deba pasu pasundu e ku kalak sideban, ku
gereja sideban, ku agama sideban. Amin ?
Pengkenaina/Target / Penerapan
(Peuamahaman minimal yang harus didapat jemaat
setelah mendengar Firman yang dikhotbahkan)
1. Hidup Adalah Pilihan. Hidup adalah pilihan artinya setiap saat kita
kerina milih ras memutusken. Ras ise kam
erjabu, e pe pilihenndu nge. Ma perban ue nindu mbarenda nge maka ersada
kam gundari ras ndeharandu bagepe ersada kam ras perbulangendu. Jadi Kalak Kristen pe pilihenndu nge. Adi alokenndu pilihan Tuhan man bandu, emaka
kam jadi Kristen. Jalan hidupta mbarenda
seh gundari epe perban pilihen ta nge , jalan hidup ta gundari nari seh pagi
iket kambal kambal ta e pe pilihenta nge.
Jadi memang kenyataan hidup emekap pilihen. Si penting banndu lah palas na ibas kam milih
e. Jadiken lah Firman Tuhan (Pustaka SI
Badia) dasar/palas ibas kam milih, ras mengambil keputusen.
2. Labo ate Tuhan la masu
masu kam. Pasu pasu Tuhan enggo jelas kal. IberekenNA man
kalak, man kerina kalak dari segala suku bangsa pasu pasu e, adi ipilihna mbegiken
Undang Undang Tuhan. Emaka begiken lah Pustaka
Si Badia, jenari gejapken uga belinna pasu pasu TUHAN man bandu ibas geluhndu. La lit sitik pe sura sura TUHAN lako nahan
pasu pasuNA. Tapi kita nge si kurang
layak ras kurang metunggung ngaloken pasu pasu TUHAN e.
3. Si paling penting
diantara paling penting. Kai dage sipenting
na kal sipilih ibas geluhta. Pilih lah kerina
si mbabai kam ngikutken TUHAN
alu tutus. Beragama dan menjadi orang Kristen labo guna memegahken diri
sendiri. Tapi sipaling utama bas
geluhta, kita ngikutken Tuhan ta alu tutus. Ikutlah Tuhan Alu Tutus, pilihlah maka
ngikutkenTUHAN jadi pilihenndu si paling agung ras mehuli. Jenari lakoken ibas geluhndu komitmen ras kesetiaan
ras Dibata. Bagi tertulis ibas Yesaya 54
: 10 “.
Bicara deleng-deleng miser gia, uruk-uruk pe
mundu-undu, tapi keleng ateKu tetap la miser i bas kam nari, janah padan dame
si Kubahan lalap paguh la mundu-undu." Bage nina TUHAN si ngkelengi kam
tetap
Penutup.
Manusia nggeluh bas doni enda lit tujunna. Kerina kalak Kristen lit tujunna, Gereja ta
GBKP pe lit tujunna tah pe Visi na. Visi
GBKP ras visi personal kerina ngawan GBKP emekap “Menjadi Kawan Sekerja Allah’. Nggit nge kita jadi kawan sekerja Allah /
Tuhan ? Amin.
Bujur melala ras mejuah juah kita kerina.
Pt. Analgin Ginting.
Komentar