Khotbah : 1 Korinti 7:12-14
Jabu Si Kerajangen Dibata
Kap
7:12 Man
kalak si deban kukataken (enda labo kata Tuhan, tapi katangku): adi lit sekalak
perbulangen si enggo Kristen, ndeharana la erkiniteken man Tuhan, tapi
ndeharana e nggit tetap nggeluh ras ia, ola iulihkenna ndeharana e.
7:13 Bage
pe adi lit sekalak ndehara si enggo Kristen, perbulangenna la erkiniteken man
Tuhan, tapi perbulangenna e nggit tetap nggeluh ras ia, ola ipindona mulih man
perbulangenna e.
7:14 Sabap
perbulangen si langa Kristen e enggo ikhususken arah persadanna ras ndeharana
si enggo Kristen e gelah ia pe jadi sikerajangen Dibata. Bage pe ndehara si
langa Kristen enggo ikhususken arah persadanna ras perbulangenna si enggo
Kristen gelah ia pe jadi sikerajangen Dibata. Adi la bage, anak-anakndu tentu
la banci deher ras Dibata; sedangken genduari anak-anakndu e enggo jadi
sikerajangen Dibata.
Sumber Photo : https://twitter.com/divasdenfashion/status/1255531627553476620?lang=gl
Fakta dan Makna
1. Ndehara
sekalak Kalak Kristen la banci iulihken sekalipun ia langa erkiniteken man
Tuhan. Bagepe perbulangan si langa nandai
Tuhan tapi nggit ia nggeluh ras
ndeharana si enggo Kristen labanci ndeharana e mindo mulih. Lalit
si tuhuna dalan sirang bas jabu kalak Kristen.
Aminna pe langa duana perbulangan ras ndehara e jadi kalak Kristen, tapi
sekalak ibas ia duana enggo Kristen,
maka perbulangen / ndehara si enggo mpeturah
kiniersadaanna, janah ia enggo ikhususken jadi si kerajangan Dibata. Tuhan Dibata empuna kegeluhen, emaka Tuhan
nge si tangtangna kal mpersada ndehara ras perbulangan e. Janah Tuhan Dibata sitangtangna kal mpersada
perbulangen ras ndehara maka IA ngenca si punya hak untuk mengiayakan ras
melarang dua kalak ersada ibas ikatan perjabun si sacral e. Hak Preogratif TUHAN nge ngatur kiniersadaan ndehara ras perbulangan,
emaka ia nge empuna setiap keluarga si ernalem man BANA.
2. Perbulangen si langa Kristen enggo ikhususken arah
persadaanna ras ndeharana, gelah ia sikerajangan Dibata. Ndehara si langa Kristen enggo ikhususken ia
ersada ras perbulangenna jadi si kerajangen Dibata. Adi lit denga sekalak si langa
jadi Kristen, tapi ia enggo ipersada arah pasanganna maka ia duana enggo
ikhususken man DIBATA. Tapi labo ka
maksudna tetap ia bagi situasi e she rasa lalap (sada ngenca si Kristen) tapi
sebalikna duanalah ia tek man TUHAN ras Nggeluh bagi si katakana TUHAN man bana
duana. KIniersadaan situhu tuhuna labo kiniersadaan secara fisik, labo ka
secara adat, tapi situhuna kal ikatan kiniersadaan jabu sipentingna/sienteguhna
emekap kiniersadaan iman spiritual, kiniersadan ibas pemasu masun TUHAN. Jabundu pemere TUHAN, janah ipindo TUHAN ku
kam gelah ijagaindu keutuhen ras kebadian jabundu e. Jabu sinteguh persadaanna secara spiritual,
secara fisik, secara adat eme jabu si sempurna kal. Jabu sibage ipasu pasu TUHAN janah iberekenNA pe enterem sinursurna ras melala
kesangapen.
Pengkenaina
·
Sadari lah, jabunta e sikerajangen Dibata. Tapi ibereken TUHAN nge kebebasen man banta
kerina, jabu lepas jabu lako mbabai jabunta e kuja sibaba. Adi konsisten kita ras ngaku bahwa jabu ta e
sikerajangen Tuhan Dibata, emaka ku IA lah sipindo gegeh ras pasu pasu gelah
jelas man banta uga caranta ngekelola ras mengarahken jabu ta e. Amin ?
·
Ermeriah ukurlah teptep wari ibas jabundu, sebab Jabundu e
pemere TUHAN kap. Ula mbiar, ula cemas ibas menghadapi situasi sikugapana pe,
sebab sikerajangen TUHAN kap. Tentu IA
nge si njagaisa jabu nta ras kerina anak
jabunta e. Amin?.
Bujur ras mejuah juah kita kerina.
Pt. Analgin
Ginting
Komentar