Oleh Jarto Tarigan
Budayawan Karo dan Pengamat Catur (Satur)
Entah tahun piga.mulai maka pusat main Satur i taneh Karo emkap LOSD GALUH KABANJAHE. Ikataken losd galuh sebab bas losd enda mbue kalak erbinaga galuh. Sienteremna kalak main satur wari kamis ras wari senen. Wari kamis tiga kitik ras wari senen tiga galang. Kalak siersatur enda reh enterem.ikuta kuta nari. Emaka banci kari siidah 10 papan satur sini sangana main satur. Sipaling terkenal .ije emkap Merlep Ginting. Perban beluhna ia ersatur maka panggilenna pe enggo juara nina jelma pemain pemain satur enda. Bicara pe ia langa bergelar master nasional tapi pernah juara 3 bas kejurnas catur sini ilakoken i Medan. Selain sie sini cukup kuat ije emkap sini tergelar sibayak Kuala lit ka Pagit Tarigan ras Kurnia Sinulingga.rikut pe tentu Monang Sinulingga. Adi main Satur Karo antara Monang Sinulingga ras Merlep Ginting langa bo ieteh apai beluhen. Menurut cerita sikubegi waktu e duana la enggit diadu main Catur Karo.
Tahun 1972 Monang Sinulingga meraih master nasional bas kejurnas Catur i Jakarta. Erkiteken sie maka terjadi me demam Catur se lingkungan kalak.karo. ija pe enterem jalak ersatur ras encakapken uga prestasi Monang Sinulingga enda. Aku sendiri pe tahun tahun sie me mulai erlajar satur ras teman teman anak anak i kuta. Enca jenari maka adi lit ibahan kejuaraan.olah raga antar sekolah SD se kecamaten maka bidang Catur enda me sah sada ipertandingken. Monang Sinulingga enda me pemain Catur nasional sini produk Losd galuh Kabanjahe. Selain sie lit MN Kurnia Sinulingga anak Simpang Katepul ras sada nari MN merga Malau. Kurnia Sinulingga enda dungna pindah ku Jakarta.
Tahun 1975 lit ibahan Percasi Karo kejuaraan se kab karo senior ras Junior. Kejuaraan enda ibahan Gedung Nasional Kabanjahe. Untuk senior juarana Kurnia Sinulingga, juara 2 Teran Tarigan Juhar nari ras Merlep Ginting juara 3. Aku pe ikut kelompok Junior tapi dat juara 3 ngenca.
Berdasarken pengamatenku maka pengembangan Catur perlu ilakukan melalui kejuaraan secara berjenjang. Misalna kejuaraan tingkat SD, SMP ras SMA. Kejuaraan antar sekolah enda penting gelah tetap sejalan tutus atena sekolah.
Bujur
Komentar