Kejadian 9 : 8 – 17
Thema : Padan Dibata Guna Kiniulin TinepaNa
Kejadian 9:8-17 (KARO) Nina Dibata man Nuah ras man anak-anakna,
" Genduari Kubahan perpadanen ras kam bage pe ras sinursurndu,
janah ras kasa kai si nggeluh, eme kerina perik-perik, kerina rubia-rubia, kerina si ndarat ras kam i bas kapal e nari.
Enda me perpadanenKu ras kam: Maka ndigan pe lanai Kucedaken kasa kai si nggeluh alu banjir si mbelin; ndigan pe doni enda lanai icedaken alu banjir.
Tandana maka tuhu-tuhu tetap padan si Kubahan ras kam ras man kasa kai si nggeluh enda eme kap,
bentehangKu Kutamaken i bas embun. Eme tanda perpadanenKu ras doni enda.
Sanga Kututupi langit alu embun, jenari teridah benteha,
Sanga benteha teridah i bas embun, Kuidah e, emaka Kuinget perpadanenKu si rasa lalap nandangi kerina si nggeluh i babo doni enda.
Benteha eme tanda perpadanen si Kubahan man kasa kai si nggeluh."
Fakta Dan Makna
1. Genduari Kubahan perpadanen ras kam bage pe ras sinursurndu,janah ras kasa kai si nggeluh, eme kerina perik-perik, kerina rubia-rubia, kerina si ndarat ras kam i bas kapal e nari.
Luar biasa kal situhuna perkuah ate Tuhan Dibata adi sirenungken mbages mbages. Tuhan nge si berinisiatif mbereken padanNa man manusia e, janah ise pe la banci mempengaruhi IA selain IA sendiri. Ihukumna manusia, alu air bah. Tapi ipesikapna lebe anak anak NA si ngena ateNA eme keluarga Nuh. Tapi dungna morah kal ateNA (erkadiola IA) kerna hukumen si enggo berekenNa. Jenari turah Ukur TUHAN erbahan padan, si mengungkapken keleng ATE si la ersibar. PADAN Tuhan man Manusia adalah ungkapen Keleng Ate si seh kal belinna, ras pe seh kal agungna.
Nuh labo kalak Jahudi, sebab kalak Jahudi kesusuren Abraham. Janah lit jarak ratusan tahun antara Nuh ras Abraham. Emaka konteks Padan Tuhan ibas kitabkejadian enda labo nandangi bangsa pilihen saja, tapi nandangi kerina manusia. Luar biasa kal Tuhan ta e.
2. Enda me perpadanenKu ras kam: Maka ndigan pe lanai Kucedaken kasa kai si nggeluh alu banjir si mbelin; ndigan pe doni enda lanai icedaken alu banjir. Tandana maka tuhu-tuhu tetap padan si Kubahan ras kam ras man kasa kai si nggeluh enda eme kap, bentehangKu Kutamaken i bas embun.
Ijelasken secara VERBAL, kai janji Tuhan e, nima “ndigan pe lanai kucedaken kai si nggeluh alu banjir si mbelin; ndigan pe doni enda lanai icedaken alu banjir. Enda janji situhu tuhu kal ibelasken TUHAN lako njelasken isi pusuhNA. Emaka bicara lit banjir, e hanya venomena biasa saja. Tapi lanai bo lit belinna banjir e bagi sanga inanami Nabi Nuh ras keluargana.
Konteks sibanci sitangkap/sipekena pe lanai ate Tuhan ingan nggeluh manusia e ceda. Emaka Tuhan pasti njagai lalap seh rasa lalap doni enda, seh asa gundari, pagi ras seterusna.
Tuhan tetap berkuasa atas doni enda, IA tetap njagai donie enda alu kuasaNA si seh kal belinna e. Amin ?
3. Kuinget me perpadanenKu man bandu ras man kerina asuh-asuhen maka banjir si mbelin lanai ndigan pe ncedaken kasa kai si nggeluh.
Itegasken Tuhan mulihi, “kuinget me perpadanenKu man bandu”. Enda menggambarken serius kal Tuhan soal perpadanenNa man manusia, padan man kerina manusia. Situhuna Tuhan labo mungkin lupa, tapi erbelas IA ngataken KUnginget nge perpadanenku, sada gambaran situhu tuhu lit Padan Tuhan e, janah PADAN TUHAN e, idalankenNA lako ngkelengi manusia, kesusuren Nuh (Nuah), termasuk kerina manusia, diluar kalak Jahudi pe.
Tuhan labo pernah lupa nandangi padanNA, manusia nge si usurkal lupa nandangi padan na, bahkan sumpahna. Emaka Tuhan Jesus ngelarang manusia ersumpah, sebab buk bas takal na saja pe labo tehna beliganna, labo pernah ietehna piga lembar buk lepas tiap wari.
Akumulasi PADAN TUHAN nandangi manusia lit ibas diri TUHAN YESUS, emaka kugejapken secara pribadi bahwa : TUHAN JESUS e juru selamat man kerina kalak si tek man BANA, kai pe agamana.
Pengkenaina
• Padan TUHAN labo situhuna man sekelompok manusia saja. Lit pe Bangsa PilihenNA, tapi padanNA e itujuken ku kerina bangsa bangsa ibas doni enda. Janah labo hanya man manusia saja, tapi situhuna man kerina tinepaNA. kesadaran bahw aku tinepa Dibata, kesadaran lako ndatken keleng ate TUHAN DIBATA si la ersibar man tiap tiap manusia, ras tiap tiap tinepa e.
• PADAN TUHAN iya dan amin. Jadi, labo sekedar padan, labo sekedar janji kampanye para politisi. Padan TUHAN eme Keleng Ate, rasa maaf ras penebusen suci Tuhan nandangi manusia si lit bas doni enda. PADAN TUHAN e, lit secara ilmu pasti/ilmiah, janah tek kita secara iman. Pahami, yakini, dalanken PADAN Tuhan e secara iman, (iman usurkal diluar logika) janah jadiken sumber semangat, ras sukacita ibas geluh enda. Sebab Padan TUHAN lit bas Diri Tuhan Jesus ras Kesah Si Badia. Amin...
Bujur ras mejuah juah kita kerina.
Pt. Analgin Ginting (Magister Ministri)
.jpg)
Komentar