Roma 14 : 13 - 18
Thema : Ngena Ate Dibata Dingen Iergaken Manusi
Roma 14:13-18 (KARO) Dage ulanai kita sisalah-salahen pekepar. Tapi tetapkenlah i bas ukurndu maka ula ibahanndu guling ntah kitik ukur teman-temanndu si sada kiniteken.
Sue ras si iajarken Tuhan Jesus kueteh dingen tek aku maka labo lit pangan si biak man pantangenken; tapi adi lit kalak erpengakap maka lit deba-deba pangan si man pantangenken, ipantangkennalah e.
Adi menek ate senina-seninandu ibahanndu erdandanken panganndu, perbahanenndu e lanai erpalasken kekelengen. Ula pelepas kai si ipanndu meneken temanndu si sada kiniteken; ingetlah maka Kristus nggo mate guna ia.
Ula pelepas kai si iakapndu mehuli e icap kalak la mehuli.
Sabap i bas Kinirajan Dibata, aturen kerna pangan ras inemen labo penting. Si penting eme perbahanen si mehuli, kemalemen ate ras keriahen si ibereken Kesah Si Badia.
Kalak si bage perbahanenna selaku si erdahin Kristus, ngena ate Dibata dingen iergaken manusia pe ia.
Fakta Dan Makna
1. Roma 14:13-18 (KARO) Dage ulanai kita sisalah-salahen pekepar. Tapi tetapkenlah i bas ukurndu maka ula ibahanndu guling ntah kitik ukur teman-temanndu si sada kiniteken. Sue ras si iajarken Tuhan Jesus kueteh dingen tek aku maka labo lit pangan si biak man pantangenken; tapi adi lit kalak erpengakap maka lit deba-deba pangan si man pantangenken, ipantangkennalah e.
Ibas bahan PJJ mta minggu enda ibabai kita lako memahami secara mendalam teologi mengenai pangaan. Ope iuraikenna lebih mbages maka ipersingeti Paulus perpulungen Roma gelah ula si salah salahen pekepar. La lit ertina, la lit nilai na adi kita siakap benar, janah kalak sideban siakap si la payo, terlebih ibas kita sisada kiniteken. Usur si salah salahen terjadi erkiteken pangan. Emaka tegas Paulus nina : Nina Tuhan Jesus, labo lit pangan si biak ipantangken (labo si kubas e si erbahan dosa, tapi si ndarat arah babah e Nge), saja ibas etika pergaulan sada kiniteken lit sada (aturen) si perlu kal inget ras idalanken emekap, adi lit teman ta si ngataken pangan e pantang, ipantangken lah e. Ula ban kita maka bene (kiniteken) teman ta. Engkai maka bage nina Paulus, sebab iadep adepen Dibata pangan labo penting, emaka pernah nge Tuhan Jesus (Manusia labo nggeluh ban roti saja). Alu bage nina Paulus, tetapken ibas ukurndu maka ula ibanndu guling ntah kitik ukur teman ndu sada kiniteken. Mantap.
2. Ula pelepas kai si iakapndu mehuli e icap kalak la mehuli. Sabap i bas Kinirajan Dibata, aturen kerna pangan ras inemen labo penting.
Ula pelepas ertina hati hati lah, kontrol lah, kuasailah dirindu, gelah ula kai siakapndu mehuli e icap kalak la mehuli. Enda baci perban emosi lanai tehna tumburen erbelas. Ngotot, ras mencari cari kinimotun teman, gelah ia jadi si benar. Nina Paulus segala sesuatu argumentasi labo perlu. Sebab ibas kinirajan DIbata aturen kerna pangan ras inemen labo penting. Kinirajan Dibata labo kinirajan fana, tapi kekal. Pangan perlu erkiteken kula bas doni enda, tapi kinirajan Dibata emekap kerajaan ROH (Kesah) , jadi pangan e perlu HANYA bas doni enda, sedangken teman sada kiniteken emekap teman si tatang tatangen ibas Kesah Si Badia ras spiritualitas. Amin.
3. Si penting eme perbahanen si mehuli, kemalemen ate ras keriahen si ibereken Kesah Si Badia. Kalak si bage perbahanenna selaku si erdahin Kristus, ngena ate Dibata dingen iergaken manusia pe ia.
Emaka jelas ken Paulus maka perbahenen si mehuli nge si pentingna bagepe kemalemen ate ras keriahen si ibereken Kesah Si Badia. Keriahen ibas kesah Si Badia ras perbahanen si mehuli nandangi teman sada kiniteken dampak nya secara fisik ras spiritual lebih mbue, lebih dahsyat asangken pangan sikugapana pe. Pangan apa lagi besursa situhuna kiniseraan. Ras pe, ndauh lebih bahaya gundari melala sa pangan asangken pangan e secukupna saja. Jadi lucuna, erdebat kita soal pangan tapi labo penting e guna kiniteken. Si penting na kal, situhuna, Kesah Si Badia e nggit ngajari kita secara praktis, dalam segala masa dan kesempatan guna menghadapi kai pe termasuk soal pangan. Sungkun Kesah si Badia ibas pusuh, emaka ngerana ka ia kubas pusuh ta. Adi bage siban, pasti lah ngena ate Dibata ras kita pe iergaken ken manusia.
Pengkenaina
• Pangan jelas labo penting ibas persekutuan kalak si tek (Koinonia) tapi ibas kinata na, pangan penting kal secara adat budaya. Bahkan adi lit perayaan perayaan keagamaan, soal konsumsi usur si ndekahna perencanaanna. Emaka harus lah kita saling erlajar kerina. Nina deba, adi bas natal e la lit lomok lomok kurang afdol na, hahahahaha. Padahal nina Paulus, la penting lomok lomok. Sipenting keriahen ukur ras perbahanen si mehuli. Emaka ula kal sempat kita sigangen sora perban pangan e. Amin ?
• Nggeluh lah alu penegu negu Kesah Si Badia, gelah alu bage kita maba dame, keriahen ukur ibas perpulungenta, ibas gereja ta, ibas tetatngga ta terebih pe ibas keluarga ta. Amin?.
Bujur ras mejuah juah kita kerina.
Pt. Analgin Ginting (Magister Ministri)
Komentar