Featured Post

CATATAN TAMBAHAN PJJ 09 – 15 FEBRUARI 2025

Gambar
  Kejadian 28:16-22 Tema: Kuberikan Sepersepuluh dari yang Diberikan Tuhan 1. Menjelaskan Fakta dari Kejadian 28:16-22 Dari perikop ini, kita menemukan empat fakta utama: Yakub menyadari kehadiran Tuhan Ketika Yakub bangun dari tidurnya, ia tersadar bahwa Tuhan hadir di tempat itu. Ia terkejut dan berkata, "Sesungguhnya TUHAN ada di tempat ini, dan aku tidak mengetahuinya." (ayat 16). Ia juga menyebut tempat itu sebagai pintu gerbang sorga (ayat 17). Yakub mendirikan tugu sebagai tanda perjumpaannya dengan Tuhan Sebagai bentuk penghormatan, Yakub mengambil batu yang sebelumnya ia pakai sebagai bantal dan mendirikannya sebagai tugu. Ia menuangkan minyak ke atasnya sebagai tanda pengudusan dan menamai tempat itu Betel yang berarti Rumah Allah (ayat 18-19). Yakub bernazar kepada Tuhan Yakub mengungkapkan komitmennya kepada Tuhan dengan sebuah nazar. Ia berkata bahwa jika Tuhan menyertai, melindungi, dan mencukupi kebutuhannya sampai ia kembali dengan selamat ...

Catatan Tambahan PJJ 28 Juli – 3 Agustus 2024

 

Ulangan 24 : 17 – 18 

Thema :  Ergaken Hak Kalak Sideban   

Ulangan 24:17-18 (KARO)  Ula rampas hak-hak kalak pertandang ras hak anak-anak melumang; bage pe ula buat uis diberu balu-balu jadi jaminen pinjamenna.

Inget maka budak kap kam nai i Mesir, janah TUHAN Dibatandu si mbebasken kam; eme sabapna maka kubereken man bandu perentah enda.



Fakta Dan Makna 

1. Ula rampas hak-hak kalak pertandang ras hak anak-anak melumang; bage pe ula buat uis diberu balu-balu jadi jaminen pinjamenna.

Nggeluh labo sekedar mempertahan geluh.  Emaka memenuhi kebutuhen sendiri gelah banci nggeluh lalap, labo e motif tah pe perayaken kalak Jahudi, Bangsa pilihen Tuhan.  

Emaka uga belinna pe kebutuhen ibas sada paksa, lit aturen ibas upaya memenuhi kebutuhen e.  Ula merampas hak hak kalak pertandang,

Ula merampas hak anak anak melumang,

Ula pe muat uis diberu diberu balu bali jadi jaminen pinjamanna.

Ajaran Tuhan si itulis Musa seh kal jelas na. Lanai peru tafsiren tafsiren, harus idalanken.

Nggeluh bas doni enda harus bujur, harus ka mperdiateken hak kalak sideban. 

Mpertahanken kegeluhen penting kal, tapi lit aturen ibas upaya mpertahanken kegeluhen e.  Doni enda ingan nggeluh ras ras, labo guna kita sekalak.  Emaka kerina aturen nggeluh harus lah sidalanken, tanpa syarat.   Amin ? 


2. Inget maka budak kap kam nai i Mesir, janah TUHAN Dibatandu si mbebasken kam; eme sabapna maka kubereken man bandu perentah enda.

Perlu kal isadari kalak Jahudi ise ia, ras uga sejarah kalak Jahudi e.  Emaka itekanken penulis Kitab Ulangan maka : Budak nge mbarenda kalak Jahudi tupung i Mesir, tapi dungna Reh Tuhan Dibata membebaskan perbudaken man kalak Jahudi e. 


Kesadaran enda perlu kal akap Tuhan ieteh kerina kalak Jahudi e. Emaka itekanken Musa ibas Kitab Ulangan hal enda, salah sada tujuanna gelah Kalak Jahudi sadar, adi la ban Tuhan labo ia banci lepas bas perbudaken e, gelah alu bage selanjutna kalak jahudi sadar ras berempati man kalak si deban.


Kalak kristen seri ka nge,  sebab kalak kristen nai jadi budak dosa, ope denga itebus ras iselamatkan Tuhan Yesus.  Emaka kita pe kerina harus sadar, sadar bahwa adi la ban Tuhan Yesus labo banci kita bagi sigundari e.  Ma payo akapndu ?  

Pengkenaina

Ula lit niat ta lako ngerampas hak kalak sideban, terlebih kalak si musil, kalak pertandang bagepe diberu balu balu.  Bagenda me perintah Tuhan man bangsa  pilihenNA, gelah ietehna ras itandainna bana.  Kebutuhan fisik ula min siakap  lebih penting asangken kubutuhen  spiritual.   Ayat ta enda ngatakensa, bahwa perbahanen si mehuli lebih  tinggi dampakna ras kegunaanna man kalak siden.  Kalak kristen harus sadar, bahwa ia harus jadi pelaku aktif ibas melindungi hak hak diberu balu balu, kalak pertandang, bagepe kalak si mulis. 

Bagi kalak jahudi sadar bahwa ia pe pernah jadi budak, maka kita pe kalak kristen harus sadar kita pe nai budak dosa nge. Tupung kita ibas budak dosa,  benar siakap kerina perbahanenta, padahal situhuna dosa kal kerina.  Si salah e pe siakap benar.  Emaka sipentingna kal situhuna, uga mengisi kegeluhennta alu perbahanen si mehuli ras bernilai.  Ula nai sitik pe lit ibas pusuhta bahwa nggeluh e kebiaren, emaka harus saling menyelamatkan diri masing masing.  Enda labo penting, sebab manusia labo banci sanggup  menyelamatkan dirina seakatanken TUHAN YESUS si nggit nelamatken dirinta.  Amin senina ras turang ??? Emaka marilah kita si sampat sampaten, ula nai kita nggit ngerampas hak kalak, tapi Si Ergakenlah Hak Kalak Sideban.  Amin...

Bujur ras mejuah juah kita kerina.  

Pt. Analgin Ginting (Magister Ministri)



Komentar

Josti Sitepu mengatakan…
Bujur kalimbubu
Analgin Ginting mengatakan…
Siaapp. Bujur pe man bandu Impal.

Postingan populer dari blog ini

Penataan Adat / Matius 15:1-9 (Pekan Penatalayanan Keenam)

Catatan Tambahan PJJ 07 – 13 April 2024