Khotbah Ini Harus Di Dengar Semua CALEG

Khotbah Minggu 10 Februari  2019

Minggu Epiphanias VI

Invocatio	Masmur 139 :2
Ogen	Keluaren 33 :1 – 6 (tunggal)
Khotbah	Ketangkasen 3 : 1-6 (tunggal)
Thema	Dibata Meteh Kerina Perbahanen

Khotbah : Ketangkasan 3 : 1-6

3:1 "Man malekat perpulungen i Sardis suratkenlah bagenda: Enda me berita i bas Ia nari, si lit i bas Ia pitu Kesah Dibata dingen bintang si pitu e. Kueteh kai si ibahanndu. Gelarna ngenca kam nggeluh tapi si tuhuna mate.

3:2 E maka kekekenlah, pegegehilah kai si lit denga i bas kam ope denga mate kerina. Sabap la lit Kuidah serta perbahanenndu i lebe-lebe DibatangKu.

3:3 Dage ingetlah kuga nai kam iajari dingen kuga nai kam megikenca. Ikutkenlah kai si iajarken man bandu e, janah jeralah. Adi la kam erjaga-jaga, reh me Aku ndahi kam bagi pinangko, janah la ietehndu katawari Aku reh.

3:4 Tapi lit piga-piga i tengah-tengahndu si i Sardis si tetap njaga pakenna bersih. Ras Aku pagi ia kerina erdalan make uis mbentar, sabap metunggung ia.

3:5 Kalak si menang iuisi me alu uis mbentar si bagenda, janah asa ndigan pe la Kusasapken gelarna i bas Kitap Kegeluhen nari. I lebe-lebe BapangKu, bage pe i lebe-lebe malekat-malekatNa terang-terangen Kuakui maka ia me sikerajangenKu.

3:6 Adi lit cupingndu begikenlah kai si ikataken Kesah Dibata man perpulungen-perpulungen!"

Pembukaan/Lead

Syalom ras mejuah juah kita kerina.  Senina senina ras turang bagepe nande bapa, mama ras mami,  bibi bengkila kerina,  kubenaken ateku khotbah enda alu ngendeken sada lagu sekolah minggu bage nina.... (iendeken alu mehuli ras meyakinken, pelajari lebe)

Hati hati gunakan tanganmu

Hati hati gunakan tangan mu

Kar’na Bapa di Sorga selalu lihat ke Bawah

Hati hati gunakan tanganmu.  

(tangan bisa diganti dengan mulut, otak, kaki dsb)

Thema khotbah ta pas kal bagi isi lagu enda ndai.... Emaka mari sisiksiki terdauhen ras  terbagesen....

Fakta

Lako ngantusi  kitab ketangkasen pasal 3 enda harus lebe sioge ras sieteh ibas pasal 1 nari

1.     Tuhan Dibata ncidahken man anakNA Yesus Kristus kai sibakal terjadi,  si tertulis lanai ndekahsa,  nandangi kegeluhen I doni.  Jenari Tuhan Yesus njelasken man muridNa Yohanes sangana ia ibuang ku Pulau Patmos.

2.     Kerina gambaran ibas si pitu perpulungen e, labo bage enggo  terjadi persis, tapi eme gambaren kai pagi terjadi ibas wari pendungi.

3.     Yesus emekap Alpha ras Omega, sipemena na ras si pendungi na ibas kegeluhen doni enda.

4.     Man perpulugen I Sardis ngerana Malaekat selaku persuruhen Tuhan Yesus, maka ietehNA nge kai pe sinibahan kerina anggota perpulungen Sardis e.  Nina Malaekat tentang pengkebet perulungen i Sardis  tempa nggeluh tapi enggo situhuna mate

5.     Iperingati Malekat e tole gelah ibas lit na dengan waktu, segeralah min erbahan si mehuli, sebab  langa lit teridah perbahanen si mehuli I lebe lebe Dibata.

6.     Situhuna nai enggo iajarken kerina anggota perpulungen e, tapi  lupa ndalankensa.  Ipindo erjaga jaga alu ndahiken perbahanen si mehuli sue ras ajar,  sebab kerehen Tuhan bagi pinangko, la eteh ndigan wari tah pe waktuna.

7.     Lit piga piga i Sardis si mehuli perbahanenna, janah ia pagi iusi alu mentar janah rdalan ras Dibata. Gelarna la masap masap janah ipertahan ken Tuhan Yesus ia iadep adepen  Dibata Bapa.

8.     Ipindo man kerina kalak si lit cupingna lako megiken Kesah Dibata si ngerana.

Makna

1.     Manusia enggo erdosa, janah tetap erdosa. Perpulungen Tuhan pe, gereja pe tetap erdosa.  Janah upah dosa eme kematen, sirang ras DIBATA.  Tapi situhuna kal, ibas pusuhNA kal la ate Tuhan bene manusia e.  La ate Tuhan sirang ras perpulungenNa.

2.     Perban la ate Tuhan manusia e Bene, emaka ipetangkas Tuhan arah sada gambaran siniidah Rasul Yohanes kai persis na sibakal terjadi ibas wari pepagi, gunana gelah manusia kerina sadar.  Ulanai erban dosa, segera berubah, segera bertobat gelah ula mate ibas Dosa.

3.     Kerina perbahan manusia sikitik kitik na ras si mbelin mbelinna icatat Tuhan kerina.  La banci erban hoax man Tuhan.  Cara Tuhan mencatat kerina perbahan manusia e, seri kal bagi cara HP tash komputer menyimpan memori percakapan, gambar, video ras sidebanna kerina.

4.     Tuhan sangat adil penuh kasih,  ikatakenna enda tupung manusia masih punya waktu untuk memperbaiki diri.  Labo bagi polisi menyetop mobil alu erbuni buni, lanai terelakken.

Target (Pemahaman si lit ibas diri Jemaat kenca ibegina khotbah enda )

1.     Ertambah pengangkaan jemaat ras kesadarenna bahwa Tuhan Yesus e me Alpha ras Omega, Ia me siberkuasa ibas tangtangna nari seh ku kedungenna.  La lit siterbelinen asangaken Tuhan Yesus.  Ia perkuah tapi adil.  Kalak sibenar benar iuisi alu baju mbentar kebadian, tapi kalak si la benar, dem alu dosa, dat hukumen sirang ras Dibata rasa lalap.

2.     Manusia khususna Kalak Kristen sadar lah lit pasti konskwensi/akibat ibas kerina perbuatenna.  Janah kerina perbuatenna ieteh ras icatat Tuhan Yesus sada pe la lit si tadingna. Emaka khusus na MAN KERINA  POLITISI  tah PE CALEG CALEG,  ULA KAM ERBAHAN JANJI JANJI PALSU.  Rakyat banci ibohongindu, tapi Dibata la terbohongindu.  Man kade ndu menang jadi anggota DPRD tah DPR tah DPD tapi mate ras bene kam ibas Dibata Nari.

3.     Sadar ras segera berubah, ula nai i tunda tunda  mumpung lit dengan waktu.  Inget lah Waktu Tuhan/Kerehen Tuhan bagi pinangko reh.  La terprediksi waktuna.  Rempet.   Lanai kam banci erkai pe, lanai banci erkadiola nari adi enggo seh paksana.  Gundari lah kam erkadiola.

Respon (Perukuren tah perasaan si muncul ibas pusuh jemaat  kenca mbegi khotbah enda)

  

Setelah mendengar khotbah ini harus terbit kesadaran ras penggejapen  yang lebih jelas dalam hati  jemaat... la ia banci erbuni buni man Tuhan Dibata.  Sebab Dibata Ras Tuhan Yesus anakNA ngeteh kerina sinasa lit ibabo doni enda, termasuk kerina perbahanen, perkataan ras pe perukuren manusia.  

Emaka pergunaken waktu si lit denga segera merubah entahpe mentransformasi diri.  Ula nai erbuni buni, ula nai berusaha mengakali ras merekayasa sesuatu iadep adepen Dibata.  

Jadilah kalak Bujur ras miliki Integritas ras terapken e ibas kerina pendahin ras pengkebetta.  Ula korupsi, ula nebu nebu, ula merso. Ula erbahan janji janji palsu

Power Statement

Lit dengan Waktu, lit denga dalan mulih

Keri waktu, lanai banci milih mulih.

Amin.  Mejuah juah kita kerina.  Mari ras kita ertoto.