Kalak Kristen Ndatken Kepetaren ibas Tuhan Yesus Nari

Khotbah Minggu 17 Februari  2019

Minggu Septuaginta

Invocatio	Roma 11 : 33
Ogen	Heber 12 : 18 - 24
Khotbah	1 Korinti 1 : 18 – 25
Thema	Kristus Kap Gegeh Ras Kepentaren Dibata

Khotbah : 1 Korinti 1 : 18 - 25

1:18   Sabap berita kerna kematen Kristus i kayu persilang jadi kebodohen man kalak si nuju ku kebenen, tapi man banta si nuju ku keselamaten, berita e me gegeh Dibata.

1:19  Sabap nina Dibata bagi tersurat i bas Pustaka Si Badia, "Kukernepken me kepentaren kalak si pentar, janah Kusia-siaken me kinibeluhen kalak si beluh."

1:20  Dage, kai ertina kalak pentar, kalak si erpemeteh, ras tukang njabapi jaman enda adi enggo ijadiken Dibata kepentaren doni enda jadi kebodohen?

1:21  Sabap doni enda la ngasup nandai Dibata alu kepentarenna, e maka kepentaren Dibata enggo netapken guna nelamatken kalak si tek kerna berita si iakap doni enda e me kebodohen.

1:22   Kalak Jahudi mindo tanda sengget jadi bukti, janah kalak Junani ndarami kepentaren.

1:23  Tapi si iberitaken kami e me Kristus si ipakuken i kayu persilang. Berita enda erbahanca megelut kalak Jahudi janah kebodohen iakap kalak si deban si labo kalak Jahudi.

1:24   Tapi man kalak si enggo ipilih Dibata, subuk kalak Jahudi bage pe kalak Junani, Kristus e kap gegeh Dibata ras kepentaren Dibata.

1:25   Sabap kai si tempa-tempa kebodohen Dibata, si tuhuna pentaren asangken kepentaren manusia, janah kai si tempa-tempa kinilangasupen Dibata, si tuhuna gegehen asangken gegeh manusia

Pembukaan/Lead

Syalom ras mejuah juah kita kerina, Nande Bapa Turang ras senina ibas gelar Tuhannta Yesus Kritus.

Lako menaken  khotbah enda lit dua penungkunen ateku ku peseh man kita kerina

1.     Kai Beda bodoh ras pentar ibas adep adepen Tuhan ?

2.     Apai nge akapndu si lebih pentar,  Kalak si nggejap bahwa jagon ia asangaken kerina kalak,  tah kalak si nggejapken bahwa motuun ia asangken kerina jelma kerna kegeluhen enda.

Tarum kam rukur denga mari cuba ras ras kita ngukurisa tingkatan manusia kerna kinibeluhen ras kemotuun.  

Kalak si level 1, la tehna ia motu.

Kalak si level 2, ietehna ia motu

Kalak si level 3, ietehna ia beluh.

Kalak si level 4, la ietehna ia beluh.

Kam termasuk level piga gundari?.  Hahahahahahahahha.

Khotbah sekalenda berkaitan ras kalak pentar ras kalak bodoh kerna Dibata.

Mari sinen terdauhen, si siksiki kata Dibatanta.

  

Fakta

1.     Nina  Paulus berita kerna  kematen  Tuhan Yesus i kayu persilang la kerina kalak banci ngantusisa alu mehuli.  Lit si ngatakensa kebodohen, lit ka si ngata kenca eme Gegeh Dibata.   

2.     Singata kenca e gegeh Dibata, eme tanda tanda tah pe ciri ciri kalak si iselamatken, tapi singatakenca kebodohen eme ciri ciri kalak si menuju ku kematen.

3.     Kerina kepentaren doni bas sada paksa ikernepken Dibata

4.     Kegeluhen kalak si merasa pentar adalah kesia siaan

5.     Kepentaren doni la ngasup ngantusi Dibata.

6.     Berita kerna Yesus Si Mate, berbeda kal ras pemindon Yahudi kerna tanda sengget,  bagepe kalak Yunani si mengharapkan kepentaren

7.     Dibata si milih sa ise kalak si banci ngangkai Dibata, janah nggejapken maka Yesus Kristus e me gegeh Dibata

8.     Kepentareh ras gegeh Dibata lebihen asangken kerina kepentaren ras kinibeluhen manusia

Makna

1.                 Pemberitaan Pustaka  Sibadia  Ras Kekelengen Tuhanta Yesus erbahan jelma erbelah.  Lit si terpilih lit si la terpilih. Si terpilih igejapna Tuhan Yesus sebagai gegeh Dibata, tapi si la terpilih akapna sebagai  kebodohan.

2.                 Kalak si laterpilih iupayakenna kal lalap gelah kalak si  terpilih ermotuna. Kalak si terpilih, nggejapken ibas geluhna penampat Tuhan e

.

3.                 Kalak si terpilih meteruk ukurna, iendeskenna pengangkanna man Tuhan Dibata.

4.                 Kalak si terpilih, leben igejapkenna ia ipilih DIbata jenari maka turah pengangkanna.  Berbeda kal ras kalak si la terpilih, ipakena pengangkanna lako nandai Dibata,  la terantusisa, emaka kebodohen nina.

5.                 Kekelengen Dibata nandangi kerina manusia ibas doni enda icidahken Dibata arah AnakNa Yesus Kristus.  Kerina rahasia DIbata lit ibas Tuhan Yesus Kristus.

6.                 Kepentaren Tuhan Yesus lako nandai Dibata lebihen asangken kerina kebeluhen manusia, uga beluhna pe manusia e. 

Target.

1.     Lit jelma si ngataken kebodohen nge Kiniteken kerna Tuhan  e. Tapi Kalak Kristen ngataken kesangapen ras keistimewaan banci ia nandai Tuhan Dibata, arah anakNa Yesus Kristus e

2.     TUhan Yesus me gegeh tah pe Kuasa Dibata si banci menjelasken kerina penungkunen manusia. Nungkunlah ku IA

3.     Pedeher lalap dirinta lako nandai terdauhen Tuhan Yesus.  Ula mbiar ndalanken dahin dahin mberat, berbahaya, sulit, ras sidebanna.  Tuhan Yesus mbereken Solusi ras serpang pulah ibas kerina pengalaman ras permasalahan manusia.  Miliki VISI dan MISI Pribadi untuk memberitakan Salib.

Respon

Setelah mendengar khotbah ini harus terbit kesadaran ras pemahaman yang lebih jelas ibas kerina jemaat

Ertek na kalak Kristen nandangi Tuhan, erteremna ka kalak si mengatakan kiniteken e kebodohen.  Ula terpengaruh ibas kai pe sinikataken kalak e.  Tetap lah erpengendes man Tuhan.

Tuhan Yesus banci memberikan jawaban  ibas kerina pertanyaanndu, keraguanndu ras kerina permasalahenndu.  Jadi sungkun Tuhan Yesus ibas totondu bagepe ibas renungendu/ pusuhndu. .

. 

Power Statement

Pengangkaan kerna Tuhan Dibata labo idat ibas pikiren nari, tapi turah ibas pusuh  arah pemere Tuhan Yesus nge.