Sebuah Pelajaran Maha Penting Dari Kehidupan Yang Sangat Berprestasi, Eka Tjipta Widjaja
Piga piga wari si lewat melayat aku ku rumah duka
Gatot Subroto Jakarta. Sekalak perbapan
idilo Dibata ibas umurna si enggo metua kal, 98 tahun. Gelarna Eka Tjipta Widjaja, ia pendiri grup
usaha Sinar Mas janah termasuk “orang terkaya i Indonesia. Simenarik emekap, ia hanya tamat sekolah SD. Nandangi umurna masuk SMP rukur ia janah
iputuskenna la surung masuk SMP, sebab alasenna rugi adi sekolah, erkiteken
lanai lit waktu na erdahin njaga warung bapana.
Anak tamat SD enggo pang erbahan sada keputusan si maha penting ibas
geluhna. Memang kitik kitik nari enggo
ia usur nampati orang tuana erdahin nambahi biaya nggeluh. Tapi Eka Tjipta Widjaja la hanya erdahin
nampati nande ras bapana, tapi pe rukur, mengevaluasi, berfikir inovatif ras jadi kalak bujur segedang gedang umurna.
Lit pedah pedahna man kerina karyawan SInar Mas Grup,
emekap adi erdahin harus ulet, tekun,
jujur, rajin ras ula nokohi kalak.
Mungkin pemenana pedah pedah enda iajarken orang tuana man bana sanga ia
kitik denga, dungna turah rurat ibas pusuh na, ras ipraktekkenna segedang
gedang geluh. Jadi me karakterna
simehuli ras terbukti ibas masa hidup na, bayak ia, gedang umurna, enterem
sinursurna ras pe lit lebih kurang Rp 200 Triliun Sen na (assetna).
Adi anakta tamat SD, keterampilan kai ras filosofi
geluh kai si enggo lit bas ia? Banci nge
pagi lit anak anak Kalak Karo si mengikuti jejak Eka Tjipta Widjaja si ngasup
naluken kemiskinen alu kerajinan ? Si ngasup mengubah infomasi jadi harta, si
sabar ras tahan amin gia pe pabrik minak goreng si ibanna BIMOLI
berpindah tangan man kalak si deban?
Uga nge nindu kerina.
Pelajaren kai si enggo pasti lit bas anak anak Kalak Karo si enggo tamat
SD umur 11 tah 12 tahun? Ibas pengidah
penulis, ije me kelepakenta ras kekurangenta.
Lalai lupa tah pe la pernah terfikir ibas otakta guna mbereken pelajaren
filosofi kegeluhen kalak Karo man anak anakta ibas usia TK tah SD. Pelajaran si berisi filosofi si dungna
kari jadi dasar karakter na nggeluh ibas
doni enda.
Eaak labo terlambat yah, lit denga nge lalap waktu
lako ngajarkan simehuli. Tambah si e,
bas kita kalak Karo melala ras cukup mbages kal pedah pedah nini nini ta ndube
sebagai ajaran filosofis kerna kegeluhen enda.
Idah kami, ajaran filosifis e harus siajarken man anak anak ta.
Emaka perlu kal situhuna kurikulum pendidikan TK
tah SD mungkin ka sampai SMP isesuaikan ras itambah muatan Lokal, khususna i
Kabupaten Karo. Bas muatan lokal e,
iajarkan je pedah pedah ras filosofi nggeluh si dungna denggo jadi karakter
tahpe etos kerja generasi muda Kalak Karo.
Lit akap kami piga
piga ajaren nggeluh ibas kita Kalak karo, janah min si suanken bas diri anak
anak ta. Sipertama lebe, erdahin alu prinsip “endi enta” tah pe surat ukat.
Sipeduaken erdahin alu konsep aron, teamwork tahpe kerja sama
kolaborasi. Sipeteluken erdahin harus
lit hasil, gelah lit tinading tah pe
warisan man anak anak ta. Sipeempatkan mehamat man kerina jelma. k
erina kalak harus ihormati. Sipelimaken pang ibas kebujuren.
Lima na hal enda mehulikal adi sisuanken bas diri anak anakta mulai TK
nari seh Sekolah Dasar. Segelah bage ia
tamat SD, enggo li filosofina nggeluh.
Janah adi lit pe si terpaksa lanai sekolah ku SMP ras seterusna yakin
kita enggo lit bekal na nggeluh.
Sebagi contoh cara ngajarken prinsip Endi Enda; ajarken alu metoda dialog misalna, nina guru
nungkun man murid murid ; “ kai nge ertina endi enta bas surat ukat enda nake?
“ Ras kai alasenna itulis bas ukat, la
bas alat alat si deban? Jenari selanjutna
ajarken guru ertina.
Endi ertina mbere man kalak. Enta emekap kata simbere ndai apai balasenndu tah pe
responndu. Endi itulis bas ukat (sendok
nakan ibahan bas buluh nari) ertina Ngerana DIbata man manusia “endi “ nakanndu
nina. Ence bereken NA nakan maka ipindona
respon, “enta” nina. Jadi endi enta emekap prinsip erdahin bas kalak
Karo si tertulis ibas ukat.
Kalak Karo
tek bahwa leben nge ia man maka erdahin. Labo erdahin lebe maka man. Sebab langa pe erdahin enggo lit nakanna
ibereken Dibata. Lit penjayon, lit modal
siisediakan sangkep nggeluhna. Emaka
tujuan erdahin bas Kalak Karo situhuna
kal emekap merespon kerina kiniulin Tuhan, bagepe kiniulin kalimbubu na. Emaka kalak Karo erdahin harus alu bujur. Ngataken bujur ia Man Tuhan erkiteken enggo
ibere Tuhan ia Man. Alu bage dage, kerina kalak karo harus erdahin alu tutus,
serius, labanci setengah setengah ras pe malas malasen.
Inget uga Anthony Ginting SiniSuka pemain bulutangkis,
enggo pe nahena tersiher ras mesui tetap denga ia bertanding main bukutangkis
bagi siidah ras-ras sangana Asian Games tahun 2018. Ibas erlajar pe bage, kerina kalak karo harus na
erlajar alu tutus kal, sebab erlajar e emekap dalan ngataken bujur man Tuhan si
enggo mbere man tah pe energy.
Enda turiken kami sada denga, langa denga ka
sideban. Tapi seh jenda gia lebe, ma
mbages kal situhuna pengajaren nini nini nta kerja filosofi tah etos kerja? Bas
edisi berikutna silanjutken ka. Bujur
ras mejuah juah kita kerina.
Nuang Jong Banci la turah, nuanken pedah pedah bas jelma pasti turah alu mehuli.
.jpg)
Komentar