Payo kal thema kebaktianta sekalenda, bahwa Keleng ate Tuhan icidahkenna arah erbage bage dampar. Dampar siapai pe banci ibereken Tuhan lako nampati manusia, makhluk ciptaanNa. La lit masalah manusia si la isampiti Tuhan. Janah tetap ibereken Tuhan dahin man anak anakNa singgit megiken KataNa, lako nampati kalak sideban.
Bageme pemikiren sekelompok moria i Klasis Herford Jerman bagian Utara. Moria enda ersada ukur lako mendiriken sada Crisis Centre lako mbereken penampat ibas segala bidang (Psikologis, Spiritual dan Praktis Hidup sehari hari) man wanita PSK si menjadi korban perdagangan manusia antar negara (Human Trafficking).
Bagi enggo mbue terjadi i dunia enda, melalakal diberu si ndarami dahin kena tipu oleh lembaga lembaga penyedia lapangan pekerjaan. Diberu diberu enda si masih berusia muda (19-30 tahun) alu semangat mencari pekerjaan ku negara silebih maju. Kepeken pendahin si ijanjiken ibas pabrik tah industri ternyata ialihken menjadi PSK (Pekerja Sex Komersial) i negara negara maju
Seorang Moria di Lubbecke yang juga Pengurus Klasis.
Adi I Jerman enda asal wanita simbuena kal reh emekap i Bulgaria, Polandia, Rusia ras piga piga negara i Eropah Timur nari . Pada awalna i Janjiken ia erdahin ibas ingan simehuli, janah banci ia mulih sekali setahun ku Negarana lako maba sen ulihna erdahin.
Itaruhken perbulangenna ras anak anakna ia bagi si enggo erjabu, tah pe itaruhken bapa ras nandena ia man singuda nguda si langa erjabu. Kepeken labo ia itamaken ibas ingan erdahin si mehuli, tapi ipaksa ia erdahin selaku wanita prostitusi tah pe PSK. Lanai ia banci mulih ku kutana, sebab sen na pe labo lit. Keri ka lako biaya hidupna i Negara ia erdahin sebagai prostitusi. Labo sen na ngenca la lit, surat suratna pe labo lit. Janah melala ka si enggo kena pinakiten. Tempa lanai lit harapen. Piga piga bunuh diri, piga piga berusaha melupakan orang tua ras anak anakna ndube i negara asalna.
Lanai lit harapen tempa. Janah la sisitek si tergantung menjadi pengguna obat obatan. Apakah Tuhan sudah melupkan mereka? Apakah mereka memang manusia yang tidak bertuan, dan tidak berguna sama sekali?
Ternyata Tuhan setia kepada kasihNya. Igerakken ukur kalak singgit mbegiken kataNa. Perkumpulan Moria i gereja Evangelical, Klasis Herford ras Lubbecke sini sangana ikunjungi kami tersuruh ukurna lako nampati diberu diberu korban penipuan enda ndai.
Emaka arah krisis senter siniidirikenna isampatina diberu diberu PSK enda mulai ibas kesehatan nari, pengurusan surat surat, melatih erdahin berbulan bulan pe, mengantarkan ku Negara asalna. Kerina tanpa bayaran. Krisis Senter sinibiayai Gereja enda berkembang alu mehuli kal, seh maka Negara/Pemerintah pe nampati alu mbereken dana tambahan.
Tuhan tetap setia nampati manusia. Emaka payo kal kai sinikataken ibas
Perngandungan 3 : 29 : E maka ulin mungkuk alu patuh, sabap i je lit si man arapenken.
Kai pe masalahndu tetap lit Tuhan sinampati. Ula mbiar. Adi man sampaten denga kam ngata ku Tuhan. Totoken. Sinikken alu mungkuk nembah man Bana.
Adi lanai kam man sampaten, sediakan waktundu lako nampati kalak sideban. Usih moria i Jerman enda. Emaka man kerina perpulungen enggo perlu kita ngenen ku darat. Sidarami siman sampaten, emaka si sampatilah alu tutus ras asa gegeh ta lit. Sebab adi bage, Tuhan nggit makeken geluhta lako namapti kalak nggeluh tempa tempa lanai lit harapenna. Bujur, Salam i Jerman Nari.
Komentar