Warna Stola Mbentar
Invocatio “Aku kap si perlebe ras pendungina”, nina Tuhan Dibatanta Si Mada Kuasa, nai nai nari genduari seh rasa lalap (Ketangkasan 1 : 8 )
Ogen 1 Johanes 3 : 1 – 3 (Tunggal )
Khotbah Masmur 121 : 1 – 8 (Responsoria)
Thema Tuhan kap singkawali geluhta.
Khotbah : Masmur 121 : 1 – 8
Kutatap ku deleng-deleng, i ja nari kin reh penampatku?
Penampat man bangku reh i bas TUHAN nari, si nggo njadiken langit ras doni.
La kam IpelepasNa guling, sekawalndu lalap la madat MataNa.
Sekawal Israel, la pernah madat MataNa, la tertunduh pe Ia.
TUHAN kap sekawalndu, arah kemuhenndu kap Ia guna ngampang-ngampangi kam.
La kam bangger ipar-pari las matawari tupung suari, ntah pe erkiteken sinalsal bulan tupung berngi.
TUHAN kap sekawalndu i bas kerina mara nari, Ia kap si njagai geluhndu.
Ia kap si ngkawali perberkat ras permulihndu, genduari nari seh rasa lalap.
Fakta Dan Makna
1. Kutatap ku deleng-deleng, i ja nari kin reh penampatku?Penampat man bangku reh i bas TUHAN nari, si nggo njadiken langit ras doni. Penulis Masmur enda, Raja Daud emekap sekalak si mampu memaknai dan menghubungkan kai siidahna ras kerina perbahanen Dibata bas geluhna, janah itulisna masmur si seh kal jilena. Menarik kal si kaji lebih mbages, uga maka itatapna deleng deleng mis tergejap ia penampatna reh ibas Dibata nari ? Sebab bage me pengalamen Daud. Iayak ayak musuhna ia bas taneh kendit i gurun pasir kiam ia cebuni ku datas deleng. Cebuni ia ije, la terkejar musuh. Selamat ia. Rukur ka ia terbagesen, uga maka lit deleng bas padang gurun sierbahanca ia selamat, sijadikenna bentengna ? Sebab Tuhan Dibata kin enggo leben njadiken deleng e. Jenari maka sadar Daud, oh Dibata kap sinjadiken deleng batu e, emaka Dibata ka nge sienggo nelamatken ia. Emaka ndarat pengakunna “ Penampat man bangku reh ibas Tuhan nari, si enggo njadiken langit ras doni enda. Jadi masmur enda labo hanya karya sastra si erguna untuk menciptakan puisi indah. Lebih indah asangken kerina puisi tah karya prosa emekap penampat ibas Tuhan nari. Oh Amin haleluya.
2. TUHAN kap sekawalndu, arah kemuhenndu kap Ia guna ngampang-ngampangi kam. La kam bangger ipar-pari las matawari tupung suari, ntah pe erkiteken sinalsal bulan tupung berngi.TUHAN kap sekawalndu i bas kerina mara nari, Ia kap si njagai geluhndu. Kenca igejap Daud penampat Dibata, emaka iteruskenna mpermuliakan Tuhan Dibata si melias e, alu menekankan man kerina jelma janah nina Daud, “ Tuhan kap sekawalndu, arah kemuhen kap IA guna ngampang-ngampangi kam. Daud jadi saksi erkiteken pengalamenna i kawali Dibata, asum iayak ayak Saul ia. Janah igejap Daud maka ibas aat saat paling genting,saat saat paling menakutkan Tuhan Dibata hadir ngkawali ia, negu negu ia. Emaka militan kal Daud mberitaken kerna Tuhan e, bahwa IA pengawal situhu tuhuna kal. Ituliskenna masmur enda pe, gelah banci kerina jelma ngogesa ras merenunkensa ibas geluhta sekalak sekalak.
Tuhan Dibata enggo jadi sekawalta selama tahun 2023 enda. IkawaliNa kita, itegu teguna kita kerina maka enggo seh kita ku penghujung tahun 2023 enda. Patut kal sikataken bujur man Tuhan ibas kerina sienggo ibahanNa man banta. Amin senina ras turang??????. Uga kutahun tahun berikutna ?
3. Ia kap si ngkawali perberkat ras permulihndu, genduari nari seh rasa lalap. Ibas ayat enda ijelasken maka rasa lalap nge kita ikawali Tuhan ta e. Perberkat ras permulihndu ikawaliNA nina Daud, terntu firman enda pe berlaku man kerina manusia si tek man Bana. Perberkat ras permulih, sama dengan awal dan akhir, pemena bagepe pendungi, bermakna la tanggung tanggung keleng ate Tuhan ta e. La terbatas, la erngadi ngadi. Tuntas sampai dung. Sebab keleng ate Tuhan e tujunna seumur umur manusia, tah pe la erkeri kerin. Kata kata perberkat ras permulih pe mengandung makna intrinsik bahwa adi rumah nari kita berkat kuja pa pe, maka ikawali Tuhan kita seh kari mulih seh ku rumah ta ka. Pindo ibas totondu adi berkat kam ku ja pa pe, gelah TUHAN si ngkawali. Termasuk pe, adi ijapa pe anakndu erdahin, ndauh tah ndeher, tetap nge ia ikawai Tuhan. Sebab keleng ate Tuhan e lit ibas ingan siapai pe bas doni enda. Amin ?
Pengkenaina
1. Nandangi sitadingken me tahun 2023 enda, tapi keleng ate Tuhan e la pernah nandingken kita. Enggo ikawaliNA kita bas tahun 2023, tentu si e perban keleng ateNa situhu tuhu na kal. Jadi ingetlah katawari pe Tuhan ta e melias kal, tetap ngkawali kita perberkat seh ku permulihta. Kerina si lit bas doni enda ijadiken Tuhan guna namapti ras ngkelengi kam ras aku janah ikawaliNA kita rasa lalap seh rasa lalap Amin .
2. Emaka piga piga menit nari berkat ka me kita kerina ras ras ku tahun 2024. Tentu ije pe bas 2024 e, lebih tergejap min man banta sekalak sekalak pengkawali Tuhan Dibata e. Ku ja lit rencana berkat tah perberkat anak ku inganna erdahin i kuta si ndauh, ula kam mbiar sebab ibas ingan si ndauh e pe tetap nge Tuhan si erkuasa. La lit sada ingan pe bas alam semesta enda si la Tuhan njadikensa. Emaka situhna kal, perberkat si mbelinna si banci si dalanken ras ras emekap, berkat nehken berita simeriah (PI) ku japa pe. Amin ? Rencana ken keikutsertaanndu er PI tahun 2024 enda, gelah ermulia Tuhan ta si Badia e. Amin
Bujur ras mejuah juah kita kerina.
.jpg)
Komentar