Catatan Khotbah Minggu 25 Februari 2024

 

Minggu Passion III/Reminiscere

Ingetlah Perkuah Atendu O Jahwe

 

Warna Stola Ungu

Invocatio :     “(Kejadian 28 : 15)”

Ogen    :             Galatia 3 : 6 – 9   (Tunggal )    

Khotbah   :       Nehemia 9 :  26 – 31    (Tunggal )    

Thema :          Erlebuh Man Tuhan Mindo Penampat              

Khotbah : Nehemia 9 : 26 – 31 

Tapi berontak BangsaNdu man BaNdu janah isimbakna Kam; Undang-UndangNdu ipudikenna. Ibunuhna nabi-nabi si mereken pertenget man bana si nuruh ia gelah mulih ku Kam. Igombangina Kam alu mesangat,

emaka IpelepasNdu musuh-musuhna naluken dingen merentah ia. I bas kiniseran erlebuh ia BaNdu mindo penampat, janah IaloiNdu ia i Surga nari. Erkiteken perkuah AteNdu si mbelin IberekenNdu man bana peminpin-peminpin si mulahi ia i bas musuh-musuhna nari.

Kenca nggo ka aman, erdosa ka ia mulihken, emaka IpelepasNdu ka musuh-musuhna naluken ia. Tapi kenca jera ia dingen mindo gelah IselamatkenNdu ia, IbegikenNdu ia i Surga nari, janah nggo megati kal IpulahiNdu ia, erkiteken perkuah AteNdu si mbelin.

IpersingetiNdu ia gelah patuh man PengajarenNdu, tapi i bas ukurna meganjang itulakna undang-UndangNdu, aminna gia dalan ku kegeluhen eme arah ngikutken Undang-UndangNdu, tapi mekeng ia, la nggit ngikutken Kam.

I bas tahun ku tahun saber Kam man bana janah IpersingetiNdu ia alu KesahNdu, arah nabi-NabiNdu tapi pasek BangsaNdu emaka IpelepasNdu italuken bangsa-bangsa si deban.

Amin bage gia, perban mbelin perkuah AteNdu, la itadingken tah IkernepkenNdu ia. Kam kap Dibata si melias dingen perkuah!

Pembukaan 

Syalomm mejuah juah senina ras turang, lit sada penungkunen si seh kal pentingna guna jadi perukurenta ras ras... Pernah kam memaafkan kesalahan temanndu, tah keluarga, tah ise gia...

Penungkunen si peduaken, piga kali nge kam ngasup memaafkan kesalahan orang yang sama?  Maafken ndu, robah ia kentisik, jenari ingkar ka ia,  mindo maaf ka, maafkenndu,  robah kentisik, jenari ingkar ka ia... seh piga kali nge lit pintu maaf bas pusuhndu sekalak sekalak ? 

Piga kali nge Dibata nggit memaafkan Bangsa Pilihenna, Bangsa  Jahudi  ?

Fakta Dan Makna 

1. Kesalahan berulang Bangsa Jahudi .  

Bangsa Jahudi adalah Bangsa Pilihan Tuhan, tapi aminna pe Bangsa pilihan Tuhan tetap saja kelakuanna melala si seri ras bangsa bangsa sideban bas doni  enda.  Bagi siituriken secara lengkap ras detail oleh Nehemia bas perikop bacaanta sekalenda.  Sanga lit masalah e, erlebuh ia man Tuhan.  Emaka ibegiken Tuhan penmindonna, sebab mekuah ate Tuhan. Selesai masalah, meriah ukurna, tawa tawa ia, jenari ilupakenna Tuhan, bahkan isimbakna Tuhan memberontak ia bahkan ibunuhna nabi nabi Tuhan.  Bahasa Nehemia, igombangina Kam alu mesangat.  Kita enda gia ma megati kal bage senina ras turang... sangana bas keriahen e usur kal kita keblablasen. Sibahan kai ateta ngena, tapi dungna  ndatken kiniseraan kita.  Bas kita la lit masalah e, mon mon timbul kejemuan, emaka sidalanken me hal hal si ekstrim si la pernah bage siban.  Dungna dat masalah kita... Kam pernah merasa jemu atau bosan menjadi kalak si sangap ?  Kam pernah merasa tidak nyaman dalam kenyamananndu ? Kam pernah merasa hebat, bangga dan sedikit sombong erkiteken kedudukanndu ? Bas jabatanndu, bas pangkatndu, bas kesehatanndu ? 

Hati hati mindo kesangapan man Tuhan, banci e erbahanca kam bosan janah ndarami hal hal si ekstrim, piah dosa merajalela. 

2. Tuhan memerintahkan Bangsa Sideban untuk menghukum Bangsa Jahudi 

Bas doni enda lit hukum sebab akibat.  Kai si terjadi lit sebab na, kai sireh man Bangsa Jahudi lit sebabna, bageka pe ku kam ras ku aku, kukita kerina kai pe sinanami kita lit sebab na.  La logis adi lit pengalamennta erkiteken la jelas sebabna. 

Em sebabna, maka melala penderitaan siinanami  Bangsa Jahudi erkiteken penolakanna man Tuhan Dibata.  Erkiteken ia nimbak Dibata, erkiteken ia memberontak man Dibata, erkiteken ia mbunuh nabi nabi Dibata.  Seorang Daud pe pernah “mbunuh” prajurit Israel yang sangat setia demi memdapatkan istri Uria, bangsa Israel erbahan patung lembu, erkiteken Musa sebagai pimpinan ndekahsa akapna jumpa ras Dibata i datas Gunung Sinai.  

Emaka isuruh/ipediat Dibata Bangsa Si deban lako ngejajah ras merintah Bangsa Jahudi.  Nindas ras nggasgasi kerina warga Jahudi.  Kerina penderitaan Bangsa Jahudi erkiteken ia ngelawan ras mbrontak man Dibata. 

Banci nge akap sisimpulken bahwa kerina penderitaanta pe bas doni enda erkiteken kita nimbak ras mbrontak man Dibata ?  

Aturna ku persekutuan kita, tapi ku ingan sideban kita lawes.

Aturna  ku Tuhan kita erlebuh, ku paranormal kita lawes.

Aturna si persembahken perpuluhenta, tapi assetta sitambahi dll... 

3. Bangsa Jahudi berseru kepada Tuhan Untuk Minta Tolong.    Ibas rangkaian cerita siipeseh Nehemia ndai lit sada hal si perlu kal si renungken dalam dalam... Kalak Israel la permela, Kalak Israel tebal muka adi rlebuh man Tuhan.    Emaka bolak balik ia ipasu pasu Tuhan, memberontak, erlebuh man Tuhan, ipasu pasu Tuhan, nimbak Tuhan ka,  si tetap ilakokenna emekap erlebuh man Tuhan.  Emaka Tuhan pe la ka nenNA... Umat ku e, enggo bolak balik ia mindo ku Aku,  Adi kebegiken kari, kentisik ngenca ia nembah ku aku, kenca si eerbahan dosa kang.  La bage kepeken  pikiran Tuhan.  Tapi pikiren Tuhan, katawari paksa pe Umat Israel erlebuh ku Ia, tetap kange ibegiken NA.  

 Emaka rugi kal kalak si la erlebuh mindo man Tuhan.  Rugi pe kalak si hanya erlebuh man Tuhan ibas masalah masalah si remeh temeh, hal hal sikitik, hal hal si la penting mon mon.  

 Syaratna erlebuh man Tuhan emekap, tek man Ia alu bulat ukur se bulat bulatna.

Bagi nina ibas pengogenta ndai Galatia 3 : 9   Tek Abraham man Dibata, janah ipasu-PasuNa ia. Bage me pe kerina kalak si tek man Dibata ipasu-pasu bagi Abraham

Amin bage gia, perban mbelin perkuah AteNdu, la itadingken tah IkernepkenNdu ia. Kam kap Dibata si melias dingen perkuah! Dibata ta e melias labo perban ia perkuah, tapi Ia perkuah aminna pe berkali kali si simbak, sitadingken, silupaken, siacuhken, si cueki, la sihamati, la sihormati, mangkir kita ras sidebanna.  Tapi tetap ia erkuah ate man kerina kalak si erlebuh man Bana.    Janah siidah ras ras kerina perkuah ate Dibata e terjelma ibas Tuhan Yesus Kristus.  

Tuhan Yesus me Cuping Dibata, Tan Dibata, Kesah Dibata, Mata Dibata, Nahe Dibata, pusuh Dibata.   Emaka katawari pe, ijanari pe, uga erdosa na pe kita, tetap kita banci ibegikenNa janah mis kal iberekenNa jalan keluar, solusi, serpang pulah man kerina masalah ta.  Kai pe masalah ta.  Emaka ula mela, ula mbiar, ula malas, ula mekisat, ula pekulah kulah erlebuh Man Dibata.  Lebuh lah Ia, pindolah man Bana maka mis kal kal ikelenginNa.  Amin. 

           Pengkenaina

1. Erlebuh man Dibata, pasti begikenNa, janah apakah dijawab atau tidak, labo itentuken ise kam,  tapi ise IA, ise kim Dibata si ku IA kam erlebuh e.  Jadi ula ban dosandu maka kam la erlebuh, ula ka ban sombong ndu maka kam la erlebuh, ula ban beluh ndu maka kam la erlebuh.  Amin ? 

2. Kerina permasalahan Bangsa Jahudi berawal ibas kinilapatuhenna man Dibata, munuh nabi nabi Dibata, mbrontak, lupa, kawin campur ras ikut nembah dibata dibata sideban.   Timbul masalah, sebab ipediat Dibata ia ngenanamisa.  Kemungkinen besar pe kerina masalahta bas geluh enda erkiteken pemberontakenta tah pe kinilapatuhenta man Dibata.  Enggom katakenna hati yang gembira adalah obat mujarab, tapi sidaram darami lalap gelah kita berjut, merawa, emosi ras mendam dendam ta.  Sitadingken kerina hal hal enda gelah kita tetap ibas peraten Dibata. Amin. 

3. Erlebuh Man Tuhan sesuaikanlah  ras Visi kegeluhennta.   Gelah ula kam asal mindo man Tuhan, atau ula hanya pang mindo man Tuhan untuk hal hal yang remeh temeh saja.  Pikirken, ukurken mbages mbages kai kin sipentingna man bandu bas geluh ndu.  Hal hal si besar, significant ras substansilah pindo man Tuhan. 

Bujur ras mejuah juah  kita kerina

Pt Em Analgin Ginting.