Jeremia 29 : 4 – 7
Thema : Ertoto Ras Erdahin Guna Si Enterem
Jeremia 29 : 4 – 7
Bahasa
Karo
29:4 "TUHAN
si Mada Kuasa Dibata nu Israel ngataken man kerina kalak si enggo isuruhNa
iangkut tertaban ku Babilon i Jerusalem nari:
29:5
'Pajekkenlah rumah janah tetaplah kam ringan i je. Suanilah peken jenari pan
ulihna.
29:6 Erjabulah kam dingen mupuslah. Kenca bage pejabu ka
anakndu maka ia pe mupus ka. Arus maka ertambah-tambah beliganndu labo
erkurangna.
29:7 Erdahinlah guna kiniulin kuta-kuta ku ja kam enggo Kubuang
jadi tabanen. Ertotolah guna keperlun kuta e sabap adi sikap ia kam pe ikut
sikap
Sumber photo : ttps://capcoakland.me/2019/10/04/blogging-towards-sunday-october-6-2019/
Fakta Dan Makna
1.
'Pajekkenlah
rumah janah tetaplah kam ringan i je. Suanilah peken jenari pan ulihna Mesera kal memahami pikiran Tuhan adi sipake cara
pikiran Tuhan. Enda contohna, ibuangNa
perban iukumNa Bangsa Israel, tapi tetap berekenNa pedah ras pasu pasuNA. Nina Tuhan, Pajekken lah rumah janah tetaplah
kam ringan ije. Suanilah peken, jenari
pan ulihna. Situhuna kal sulit kal
memahami uga kin situhuna pikiran Tuhanta, menghukum ningen, tapi tetap berekenNA
pedahNa. Janah Tuhan ibas Ia mbereken
pedah, labo tok pedah saja siniberekenNA.
Tapi rikut pe pasu pasuNA. Ija
Tuhan mbereken pedah, ije ka Ia mbereken pasu pasuNA. Emaka banci pe sipahami
Hukuk Tuhan emekap Pasu PasuNA, tahpe Pasu pasu Tuhan emekap pedahNA. Amin ?
2.
Erjabulah
kam dingen mupuslah. Kenca bage pejabu ka anakndu maka ia pe mupus ka. Arus
maka ertambah-tambah beliganndu labo erkurangna.Tuhan pe nuruh bangsa pilihenNA sinibuangNA ku Babil gelah erjabu. Tapi perjabun e isuruh Tuhan gelah ndatken
kesusuren, ndatken anak. Emaka pasu pasu
Tuhan e rikut pe pedahNA “pejabukalah anak anakndu. Janah ipindo Tuhan gelah ertambah tambah
beligan bangsaNA ibabo doni enda, labo erkurangna. Jadi banci pe sigejapken bahwa, pemikiren pertama
ibas perjabun anak anak manusia reh ibas Tuhan nari nge. Ngena ateku Nande Sarah Br Sitompul, adi bagel
abo perban diringku tah diri Nande
Sarah. Tapi situhunakal ate ngena si lt
bas aku Tuhan kap namakensa. Ate ngena
si lit bas Nd sarah pe, Tuhan nge mpeturahsa.
Jadi sura sura Tuhan nge sierbahanca manusia e singenan, si dilaki ras
sidiberu. Jadi tentu TUhan ka nge simasu
masu kerina perjabun, si erpengendes ku Tuhan.
Ula mbiar erjabu, ula mbiar pejabuken anak man kita orang tua. Tuhan singaturkensa.
3. Erdahinlah guna kiniulin kuta-kuta ku ja kam enggo
Kubuang jadi tabanen. Ertotolah guna keperlun kuta e sabap adi sikap ia, kam pe ikut sikap . Ayat enda me sada sumber etos ras
etika kerja man kerina kalak si tek man Tuhan. Erdahinlah guna kiniulin kuta kuta ku jam kam
enggo Kubuang jadi tabanen Nina Tuhan, man Bangsa Jahudi. Sejajar ras ayat e, erdahin lah guna kiniulin
kuta kuta kujam kam enggo Ku Kirim I belang belang Idnonesia, I belang belang
doni enda. Ertina ija pa pe ringan ras
menetap, je kita ipasu pasu Tuhan. Labo
ingan erdahin erbahanca kita dat pasu pasu, tapi Tuhan nge si mbereken pasu
pasuNA ija pa pe kita erkuta, tading ras erdahin. Tah I Tanah Grogot, Minahasa, NTT, Jinabun tah
Liang Melas Datas, ije kita ipasu pasu TUHAN.
Pendahin kalak si tek ipasu pasu Tuhan, emaka ula nai nangko, ula
korupsi, ula malas, ula tanggung adi erdahin.
Dahina kenlah dahin e (kai pe pendahin tah professi ta) tempa temap kita
erdahin man Tuhan, labo man manusia (Band Kolose 3 : 23). Janah itambahi Tuhan pedah Na nina, ertotolah
guna keperlun kuta, sabab adi sikap ia, kam pe ikut sikap. Pendahin ras pertoton manusia labo guna
dirina saja, tapi guna kalak sienterem
Pengkenaina
·
Kalak Kristen la banci malas, la
banci la erdahin. Ija pa pe ia ringan,
ia harus erjabu janah berketurunan.
Jelas kal man banta perjabunta emekap pasu pasu Tuhan. Kerina kalak si lit sura sura na erjabu ras
mupus, Ia situhuna ipengaruhi ras ipasu pasu Tuhan Dibata. Emaka nikmati ras dalankenlah perjabun e alu
dem pengataken bujur man Tuhan Dibata.
·
Orang Kristen bekerja harus
produktif, ras pe ulih pendahinna e banci nampati kalak sideban. Pendahin Kalak Kristen harus jadi pasu pasu
man jelma ija ia tading. Jadi la lit
koruptor, la lit penangko, la lit pemalas kalak Kristen ibas pendahinna. Bahkan
ia la cukup erdahin saja tapi pe ertoto guna ingan na e. Erdahin tutus, ertoto, ras ngataken bujur man
Tuhan, enda me etos kerja kalak Kristen.
Luar biasa kal pendilo, penuruh ras pasu pasu TUHAN ibas pendahin kalak
Kristen. Amin ?
Bujur ras mejuah juah kita kerina.
Pt. Analgin
Ginting.
Komentar