Kuan-kuanen 30 : 7 – 9
Thema : Bereken Kai Si Kuperluken
(GBP/Tata Nilai :
Keugaharian)
Kuan-kuanen 30 : 7 –
9
Bahasa
Karo
30:7 "O Dibata, ope denga aku mate kupindo man bandu
perkara enda, e me:
30:8 ola min sempat kubelasken kata la tuhu, dingen ola
pelepasNdu aku musil ntah bayak. Berekenlah man bangku kai si kuperluken.
30:9 Sabap kune bayak aku banci jadi maka la aku perlu kam.
Janah adi musil aku banci jadi nangko aku seh maka juru Dibatangku.
Sumber photo : https://ifiwalkedwithjesus.com/proverbs-307-9-balance-please/
Fakta Dan Makna
1.
"O
Dibata, ope denga aku mate kupindo man bandu perkara enda, e me. Adi siukuri mbages mbages seh kal luar biasana
kalimat Firman Tuhan enda, sebab mengandung
piga piga pengertian si sangat teologis kal.
Ope dengan aku mate maka kupindo.
·
Pemindon
man Dibata hanya banci silakuken sanga kita nggeluh denga. Kalak
si enggo mate lanai lit hak na mindo man Dibata. Emaka adi enggo mate, ipindo ras itotoken anak
anak, ndehara/perbulangen alu menngisngis pe lanai ibegiken Dibata. Emaka pindo lah man Dibata sanga kam nggeluh
denga bas doni enda. Amin ?
·
Mindo man
Dibata eme perbahanen si pentingna kal. Sebab bukti bahwa erpengendes
ras tek ku Dibata, emekap mindo man IA.
Jadi kalak si la pernah mindo man Dibata, banci jadi erkiteken la ia tek
man Dibata.
2.
ola min
sempat kubelasken kata la tuhu, dingen ola pelepasNdu aku musil ntah bayak.
Berekenlah man bangku kai si kuperluken Penulis Kuankuanen enda, mindo si she kal pentingna man Tuhan Dibata. Ipindo na man Tuhan e keseimbangen bas geluh enda.
·
Ula sempat
kubelasken kata la tuhu. Berarti seh kal
akapna terhina na bana adi belaskenna
kata la tuhu. Kata la tuhu usur
ibelsken guna mpertahanken kebenaren diri.
Kata la tuhu pe ibelasken gelah gengsi lalap terjaga. Kata la tuhu situhuna kal ibelsken kalak si la
nandai Dibata. Dasar Teologi kalak Kristeen, la mbelasken
kata la tuhu. Kataken lah a adi a, b adi
b. Payo adi payo, salah adi salah. Kelang kelang na e, dosa kerina. Tapi gundari kita nggeluh ibas jaman si
harus bijak. Kataken si tengteng, kata
si benar. Benar la berarti la salah,
tapi benar enggo past idem kekelengen. Rahab diberu balu balu mbuniken mata mata
kalak Jahudi. Seh I rumahna kalak si
ngelis ngelis mata mata enda ndai. Lit
idahndu kalak enda nina man Rahab. Lang
la lit kuidah nina. Padahal kalak ndai
icebunikenna bas loteng rumah na.
kejadian enda erbahanca Rahab diberu balu balu ibenarken TUHAN.
·
Ola
pelepasndu aku musil tah bayak. Ula min musil, bayak pe ola ka. Man melala jelma
ngantusi pemindon enda saja pe sulit, apai ka ndalankensa. Tapi enda me situhuna makna keugaharian ( Salah satu kata
yang berkesan dan jarang digunakan adalah "ugahari", yang memiliki
arti "sederhana dan bersahaja". Dalam bahasa Jawa, "sak
madyo" juga setara dengan kata "ugahari", namun ada makna lain
yang sama artinya, yaitu "secukupnya" Kumparan.com) Mindo gelah nggeluh la musil pasti melala
kalak mis setuju. Tapi mindo nggeluh la
bayak, la melala kalak sependapat. Sebab
sura sura na, termasuk sura sura perpola pe gelah bayak. Filosofi budaya batak, hamuraon, hagabeon, hasangapon. Terkandung I je kebayaken. Ertuah bayak lah kam njabuken bana. Budaya Karo pe mbereken harapan paling tinggi
gelah bayak. Tapi reh nina penulis Kuankuanen
ola min aku musil tah bayak. Uga gelah la bayak, tentu saja kurangi hartandu. Ug acara ngkurangisa? Ngkelelengi ras mere
man kalak sideban. Impalku Sitepu morgana
merantau ras sukses kali a I Papua. Lit
kebiasenna mere man kerina kalak Karo si merantau ku Papua. Sada
kebiasenna, adi lit kalak karo
kemalangen I kuta, pasti isediakenna tikek dua kalak gelah banci mulih ku
kuta. Tiket Papua nari she ku Medan si
sitikna Rp 7 she 8 juta sekali jalan per kalak.
Tetap kal ia nggeluh ugahari, tah pe bersahaja. Sebab gejapkenna kal
perkuah ate Tuhan Dibata. Amin.
3. Sabap kune bayak aku banci jadi maka la aku perlu
kam. Janah adi musil aku banci jadi nangko aku seh maka juru Dibatangku Bas bagin enda ituriken penulis kitab Kuankuanen alu terus terang kai
alasanna maka pindo man Tuhan gelah ula ia musil, gelah ula ia bayak ? Jawabanna
sangat praktis la teologis… adi bayak banci sombong, janah lanai akapna perlu
ia ku TUHAN. Adi musil, banci ia nangko
tah korupsi. Mesera kal kalak bayak
masuk ku surga, seraan asangken unta masuk lubang jarum. Hahahha. Sebab naluri manusia, bayak sombong. Sebab sombong e pe lit nanamna. Emaka melala kalak sombong guna ngenanami ego
na. Bayak kepeken labo soal kepemiliken
saja, tapi soal sombong si ihasilkenna.
Bayak tapi rendah hati, seri bagi Abrahan tah pe Jakub. Ergaan akapna kekelengen asangken
kinibayakenna. Reh Tuhan I Mamre ndahi
Abraham. Mis kal tasakenna lembu si
mejilena, ras tepung si nomor sadana.
Gelah erdame ras Esau abangna,
ibereken Jakub ternakna lembu, kambing, domba ras sidebanna man
Esau. Reh nina Esau si pernah merasa
ditipu oleh Jakub agina … buat kerina rubia rubiandu agingku, ergaan kuakap
kiniersadaan ta asangaken kai pe bas doni enda. Ugahari adalah kesederhanaan
hidup si erpalas kubas keleng ate ras kinihamaten man Tuhan bagepe man jelma
sideban.
Pengkenaina
·
Nggeluh bas doni ertina mindo man
TUHAN. Ula mela mindo man Tuhan, ula
akapndu kam bayak kal maka lanai ka kam perlu mindo man TUHAN. Sanga nggeluh denga mindo lah TUHAN. Mindo man TUHAN erpalas kubas pengakun bahwa
TUHAN si erkuasa ibas doni ras kegeluhen enda.
Akuken lah Tuhan, mindo lah man TUHAN.
·
Nggeluh lah alu Ugahari. Sederhana
ras secukupna. Ula sombong, ula
megombang bagi kalak si la nandai TUHAN.
Tapi kelengilah TUHAN, kelengilah teman manusia gelah ula sempat kita
sombong. Nggeluh bas doni enda hanya
sementara, kerina pagi itadingken.
Ugahari lah teman, jadikan e prinsip bas geluhta. Amin ?
·
Orang Kristen bekerja harus
produktif, ras pe ulih pendahinna e banci nampati kalak sideban. Pendahin Kalak Kristen harus jadi pasu pasu
man jelma ija ia tading. Jadi la lit
koruptor, la lit penangko, la lit pemalas kalak Kristen ibas pendahinna. Bahkan
ia la cukup erdahin saja tapi pe ertoto guna ingan na e. Erdahin tutus, ertoto, ras ngataken bujur man
Tuhan, enda me etos kerja kalak Kristen.
Luar biasa kal pendilo, penuruh ras pasu pasu TUHAN ibas pendahin kalak
Kristen. Amin ?
Bujur ras mejuah juah kita kerina.
Pt. Analgin
Ginting.
Komentar