|
Invocatio
|
Johanes 1 : 34
|
|
Ogen
|
Johanes 7 : 10 – 15 (Antiphonal)
|
|
Khotbah
|
Roma 1 : 1 – 7 (
Tunggal )
|
|
Thema
|
Anak Dibata Si Erkuasa
|
Roma 1 : 1-7
1:1 Surat enda rehna i bas aku nari, Paulus. Aku me
suruh-suruhen Kristus Jesus, rasul si enggo ipilih dingen iserapken Dibata guna
meritaken Berita Si Meriah si reh i bas Dibata nari.
1:2 Berita
Si Meriah e ipadanken Dibata nai-nai arah nabi-nabiNa janah enggo isuratken i
bas Pustaka Si Badia.
1:3 Berita
e kerna AnakNa, Tuhanta Jesus Kristus: Ia manusia, Ia tubuh arah kesusuren
Daud.
1:4 Janah erkiteken Kesah Si Badia tangkas maka Ia Anak Dibata
si erkuasa. Enda teridah arah kekekenNa i bas si mate nari.
1:5 Arah Ia, dingen i bas gelarNa me Dibata mereken hak
istimewa man kami, gelah ibabai kami kerina bangsa maka tek dingen erkemalangen
man Kristus.
1:6 Ikut pe kam kerina si ringan i Roma, si enggo ipilih
Dibata jadi sikerajangen Jesus Kristus.
1:7 E
maka o kam kerina si ringan i Roma si ikelengi Dibata dingen si enggo ipilihNa
jadi anak-anakNa: Dibata Bapanta ras Tuhan Jesus Kristuslah mereken lias ateNa
man bandu janah malem atendu ibahanNa.
Pendahuluan/Pembukaan.
Syalom saudara saudara
yang terkasih, serta bapak ibu dan para orang tua kami dalam kasih Tuhan kita
Yesus Kristus. Kita enggo memasuki Advent IV janah enda me advent si terakhir ope denga kita memasuki hari Natal.
Uga enggo gejapkenndu persiapanndu nimai kerehen Tuhan ta e???
Fakta dan Makna (info paling penting dari Nas dan relevansinya dengan kehidupan
saat ini )
1.
Surat
enda rehna i bas aku nari, Paulus. Aku me suruh-suruhen Kristus Jesus, rasul si
enggo ipilih dingen iserapken Dibata guna meritaken Berita Si Meriah si reh i
bas Dibata nari. Alu sopan ras percaya
diri Paulus mpetandaken dirina man jemaat I Roma tupung ia pemena nulis surat
pengembalaan. La itutupina dirina, la ia
mela ndahiken dahinna, janah alu tangkas ras simple ipetandakenna dirina. Janah si paling menarik alu tegas ras terus
terang ikatakenna ia suruh suruhen Jesus Kristus, janah pe igejapkenna makai a enggo
ipilih ras iserapken Dibata guna mberitaken berita si Meriah. Mberitaken berita si meriah ibenaken alu
rendah hati, terbuka/transparan as bagepe ijelasken bahwa sue ras pedah Jesus
kristus. La lit PI (pekabaran injil,
pastoral counseling ras pelayanan si deban la bekas penuruh Jesus
Kristus). Janah selaku anak Dibata si
enggo ipilih ras iserapken Dibata la patut kita mela ras erbuni buni
mpetandaken ras njelasken ise kin Tuhan Yesus e.
Sumber photo : https://id.pinterest.com/pin/432064157995874760/
2.
Janah
erkiteken Kesah Si Badia tangkas maka Ia Anak Dibata si erkuasa. Inti pekabaran injil, inti pastoral konseling ras pe inti kerinapelayanan
emekap Jesus Kristus. Perban Ia me maka
lit persekutuan, lit kesaksian, lit diakonia.
Sebab Ia me anak Dibata si erkuasa ras erkelng ate. La lit kejadian kai pe, la lit peristiwa kai
pe si banci terjadi adi la kin perkuah ate ras Kuasa Tuhan Yesus Kristus. Sebab
Ia ngenca si erkuasana bagi si enggo
ipetebetehkan Tuhan Dibata. Ibas gelar
Jesus, ibas pedah Jesus ibas kerina perbahanen Jesus lit je keleng ate si menyelamatkan
, janah pe lit je kuasaNa si sangat menghibur kita kerina. Kuasa Jesus ibereken
Dibata man Bana, gelah kerina persoalan ras perbebeben manusia banci alu pedas iatasi dingen iselesaikenNA alu dem kekelengen. KUASA
JESUS LIT BAS IA LABO GUNA DIRINA. Em bedana Jesus ras jelma. Janah kuasa Na teridah kali bas kekekenNA
ibas si Mate nari. Bukti bahwa kematen e
enggo talu ban kuasa ras keleng ate TUHAN ta Jesus Kristus.
3. Ikut pe
kam kerina si ringan i Roma, si enggo ipilih Dibata jadi sikerajangen Jesus
Kristus. Ijelasken Paulus pe bahwa Kuasa si lit ibas Jesus Kristus e eme kuasa
penyelamatan si ni dalankenNA arah kematenNA I kayu salib. Janah ise saja si iselamatken ijenda
itekanken Paulus maka kerina perpulungen Roma pe nggo ipilih Tuhan Jesus jadi
si kerajangenNa guna ndatken keselamatan ibas TUHAN JESUS nari. Menjadi bagian
rencana TUHAN guna iselamatken eme pemere Tuhan si mbelinna kal nandangi
manusia, bagepe nandangi perpulungen I Roma, bagepe nandangi kita kerina. Aku enggo jadi sikerajangen Tuhan, kam pe
kerina enggo jadi si kerajangen TUHAN janah enggo pasti iselamatkenNA. Meriah
kal ukurta. Emaka ibas minggu advent
enda, situhuna kal kita kerina nimai kerejen TUHAN YESUS sipeduaken lako
mbereken keselamatan e man kerina kita si enggo iselamatkenNA. Meriah ukurta, ngataken bujur kal kita, janah
mari dage sipersiapken dirinta ngalo ngalo ketubuhen Tuhan Yesus (natal)
sekaligus ngalo ngalo kerehen Tuhan Yesus si pedua kaliken.
Pengkenaina/Target / Penerapan
(Peuamahaman minimal yang harus didapat jemaat
setelah mendengar Firman yang dikhotbahkan)
1. Ula mela ngakui bahwa dirinta enggo ipilih
Tuhan Jesus jadi si kerajangenNA. Sebab terpilih
kita situhuna luar biasa kal maknana,
janah labo sada pe siipilihNA e erkiteken kehebatanna. Tapi melulu perban keleng Ate Tuhan. Emaka nina Luther, :Sola Gracia. Kerina perban anugrahNA, kerina perban
perkuah ateNA. Janah ula cikep sisada,
ula buni buniken bahwa kita enggo iselamatken. Pebetehken pe man teman teman
sideban, kade kadenta bahwa TUHAN YESUS e enggo tubuh ku doni enda lako
nelamatken doni enda. Ia enggo tubuh, Ia
enggo dewasa, Ia enggo ngkelengi jelma tupung Ia bas doni enda, Ia enggo mate
perban dosa dosa manusia, janah IA enggo ipekeke ibas si mate nari, janah enggo
nggeluh mulihi, janah gundari IA enggo ersada ras Bapa I Sorga.
2. Tuhan
ta erkuasa kal, sebab DIBATA simbereken kerina kuasaNa e. Janah kuasaNA e labo ipakekenNa lako diriNa
sendiri. Tapi kerina kuasaNA e ipakekenNA
lako ngarak ngarak, nampati ras nebusi doni enda kerinaNA. Lit kuasa bas Jesus, kuasa kai pe lit bas
IA. Tapi tujuanna kerina lako nampati
kerina manusia, termasuk kam bagepe aku.
Emaka ulanai kita mbiar soal kai pe bas doni enda. Amin.
3. Emaka kita manusia pe perlu kal mindo Kuasa
Na man kita gelah kita pe banci ka ngikuti IA.
Ngikuti TUhan Yesus lako nampati doni enda. Bersedia lah nampati kerina manusia alu Kuasa
TUHAN. Perisapan ibas minggu advent enda
situhuna sada maknana emekap gelah kerina kita ngukuri mbages mbages kerna
Kuasa ras Keleng Ate Tuhanta e, jenari mindo man TUHAN gelah kita pe
ipetunggungNA lako mbaba berita si Meriah enda ku kerina kade kade ras teman
temanta, bagepe man kerina kade kade ras teman teman ta si langa kin sitandai ise
ras ija ia tading. Niat ras komitmenta
pasti akan mempertemukan kita. Amin
Penutup
Bulan Desember dem keriahen
Lagu Lagu Natal
iendeken
Minggu Advent 4 kali si
dalanken
Nimai Kerehen Tuhan
Peduakaliken
Bujur Ras Mejuah juah kita kerina.
Pt. Analgin Ginting
.jpg)
Komentar