Pengerana 4 : 9 – 12
Thema : Nggeluh Si sampat sampaten
Pengerana 4 : 9 – 12
4:9 Ulin dua kalak asangken sekalak-sekalak, sabap adi dua
kalak erdahin mbelang bekasna.
4:10 Kune sekalak guling banci sekalak nari nampati. Tapi
sisada-sisada ngenca, kenca guling ise nari si nampatisa.
4:11 I bas berngi paksa mbergeh dua kalak si rembak medem banci
mereken las man si debanna, tapi uga perbahan kalak erbahanca melas badanna adi
ia sisada ngenca?
4:12 Dua kalak erdalan banci ia ras-ras ngelawan adi lit si
nerang ia, tapi adi sekalak ngenca menukah nalukenca. Tinali si ipiuh telu
mesera ngeretapkenca
Fakta Dan Makna
1. Ulin dua kalak asangken sekalak-sekalak, sabap adi
dua kalak erdahin mbelang bekasna.
Enda me sada pengajaran nggeluh si she kal penting
na. Pengajaran si mbabai kita uga seharusna mperlakukan kalak si deban ibas
kegeluhenta sitep tep wari. Iajarken kita
bahwa kesempurnaan geluhta banci si dat adi
kita nggeluh la sisada sisada saja, tapi nggit erteman ras kalak sideban. Berarti Lit sepakatan pemindon si she kal
muliana gelah kita erteman, bekerja sama, berkolaborasi ras kalak si deban,
sebab bageme pengajaran alkitab man banta.
Nggeluh si sada banci kita erbahan kai singena atetas saja, tapi nggeluh
erteman lit je pemikiren pemikiren si erbahanca kita harus ertimbang, uga sura surata uga ka sura usura teman
ta. Lanai banci sura sura ta saja ngenca
si baba. Tapi sebalikna sibegiken,
sipahami, ras sidalankan uga hasil kesepakatannta ras kalak si deban. Perlu kal kita berkomunikasi secara transparan
ras terus terang ras kalak sideban. Tapi
dibalik si e kerina she kal lalana manfaat ras keuntungenna adi kita erteman ras
kalak sideban, mulai dua kalak seh seterusna/.
2. Kune sekalak guling banci sekalak nari nampati.
Tapi sisada-sisada ngenca, kenca guling ise nari si nampatisa Adi lit
temanta , banci kita saling nampati ibas kita guling. Mesera siakapa nampati bana, adi la lit
temanta.
3. I bas berngi
paksa mbergeh dua kalak si rembak medem banci mereken las man si debanna, tapi
uga perbahan kalak erbahanca melas badanna adi ia sisada ngenca?
Secara alamiah kula ta e banci saling menghangatken ras
temanta, emaka siidah secara alamiah (Sangat mendasar) kita banci saling
memberi manfaat ras teman ta. Sidat
manfaat bas ia nari, janah pada saat yang sama, ia pe ndatken manfaat bas kita
nari. Ndat kita tupung kita mere e. Luar biasa.
4. Dua kalak erdalan banci ia ras-ras ngelawan adi lit
si nerang ia. Bahkan ijenda ikataken, nambah kin gegehna adi ras
teman na ia bas sada perdalanan, aminna lit pe si nerangsa, ngasup ia duana tah teluna ngelawannsa. Jadi semakin jelas, gegeh ras kinipangen (percaya
diri) ergegehna adi ras temanta kita.
Pengkenaina
·
Perlu kal lit karakter erteman bas
dirinta, dalanta si keleng kelengen ras kalak si deban. Ertman dalanta si skeleng kelengen ras si
sampat sampaten. Emaka mari, si pebue
temanta, janah nggit kita berempati (berubah) ras temanta e.
·
Tuhan Jesus sendiri pe daramina ajar ajarna si sepuluh dua kalak e gelah lit temanna. Gelah lit teman komunikasi, teman erdalan,
teman nampati kalak si deban. Musa pe
iberre Tuhan Harun jadi temanna gelah sukses ia ndalanken misina si ibere
Tuhan, mbaba Bangsa Jahudi I Mesir nari.
Mari dage sipindo man Tuhan kengasupan erteman man kita kerina . Amin .
Pt. Analgin Ginting.
Komentar