ERTEMAN

Erteman kal ateku ras kam, sebab kam teman kap,

Tapi usur mbiar aku, sebab uga nge kari ateku

Seh paksa rukur aku, andiko mesui nge ate adi la lit teman

Emaka teman, erteman lah kita.

Erteman kal ateku ras kam, sebab kam teman kap

Keleng ate si lit bas pusuh arus nge i peseh

Tuhan kam sinuruh gelah kita erteman

Emaka teman, erteman lah kita.

Kegeluhen enda gedang ku lebe perlawesna

Tengah, dalan melala kebiaren, emaka perlu kita teman

Ndube kam kuakap imbang, tapi teman kap

Emaka teman, erteman lah kita.

Tuduhken dage bangku adi kam kin temanku

Ula gasgasi aku, mesui pagi ateku

Tapina mari sidahiken dahin gerejanta

Sibuat rudang simejilena, pesikap perukurenta.

Temanku kam, dilaki tah diberu gia.