1 Petrus 2 : 9 – 10
Thema : Meritaken Perbahanen Dibata
1 Petrus 2 : 9 – 10
Bahasa Karo
9. Tapi
kam e me bangsa pilihen, imam-imam Raja, bangsa sikerajangen Dibata, anak-anak
Dibata si ipilih guna meritaken perbahanen-perbahanen Dibata si mbelin. Dibata nggo ndilo kam ndarat i bas si gelap nari ku bas
TerangNa si lanai kal langlang ulina.
10. Nai kam labo anak-anak Dibata, tapi genduari kam nggo jadi
anak-AnakNa. Nai la ietehndu perkuah ate Dibata, tapi genduari nggo
ialokenndu perkuah AteNa.
Fakta Dan Makn
1. Tapi kam e me bangsa pilihen, imam-imam Raja,
bangsa sikerajangen Dibata, anak-anak Dibata si ipilih guna meritaken
perbahanen-perbahanen Dibata si mbelin . Rasul Petrus ibas nas enda mereken sada identitas si mbaru man kerina
kalak Kristen si enggo ngaloken Jesus Kristus jadi juruselamatna. Kalak si
enggo ngakuken Jesus ikataken bangsa pilihen, imam imam Raja si kerajangen Dibata. Jadi bangsa pilihen ijenda sekaligus
menjelasken bahwa labo kalak Jahudi ngenca si jadi bangsa ipilihen e. Tapi kerina kalak si enggo ngaloken Jesus
Juru selamatna, janah tek ibas pusuhna, dingen teridah arah perbahanenna tep tep
wari. Bangsa pilihen mengandung makna,
ia lanai rukur hanya guna dirina jine, tapi kerina siukurina ras sirencanakenna
enda guna Dibata. Emaka konskwensi man kalak si enggo lit pengangkanna kerna ia
bangsa ipilihen, bahwa geluhna enggo man Dibata janah ikut ibas rencana Dibata
ibas ngkelengi doni enda. Bangsa pilihen tentu enggo jadi anak anak Dibata, guna
mberitaken perbahanen Dibata ku belang belang doni enda. Perbahanen Dibata s idem kekelengen
iberitaken gelah kerina kalak berpeluang dingen nggit ngaloken pasu pasu ras
keleng ate Dibata. Sangap kal kalak
siipilih jadi anak anak Dibata. Amin.
Sumber photo : https://abide.com/prayer/utirzd
2.
Dibata
nggo ndilo kam ndarat i bas si gelap nari ku bas TerangNa si lanai kal langlang
ulina. Uga maka kam ipilih Dibata, uga maka aku, ras uga
maka kita kerina? Lit kin kelebihenta
ras kehebatenta ? sama sekali
lang. Labo lit kai pe keistimewaanku, keistimewaanndu,
keistimewaan rasul Petrus lako ipilih DIbata.
La lit sada pe jelma ibabo doni enda si metunggung ras layak I adep
adepen Dibata. Sebab kerina manusia e enggo lit ibas kegelapen ras la nai
nandai Dibata. Tapi perban perkuah ateNA
e nge maka kita idilo Dibata ibas si gelap nari janah enggo masuk kubas terang
Na si lanai kal lang lang ulina. Emaka
kerina kalak siipilih ras si enggo ijadikenNa jadi anak anak Dibata, la berhak
untuk menyombongken dirina. Si mehuli
idalanken ngataken bujur ras ikut kubas rencana Tuhan. Emaka mari sikataken bujur man Tuhan kita
ipilihNa jadi anak anakNa. Haleluya
3. Nai kam labo anak-anak Dibata, tapi genduari kam
nggo jadi anak-AnakNa. Perlu
kal siinget ras si praktekken bahwa gundari kita enggo jadi anak anak Dibata, nail
abo. Ertina tentu harus lit perubahen
ibas cara rukur, cara cara berbuat, ras tentu saja cara cara nggeluh tep tep
wari. Umbialanai siakap kita manusia
doni ibas kita bertindak sehari hari, tapi si praktekken lah car acara anak
Dibata sekalipun kita nggeluh ibas doni enda.
Ulanai korupsi, ulanai perkisat, ulanai mbiar, ulanai egois, ula naib
aper tah pe mesunah tersinggung ras sakit hati.
Sebab kai pe sinialami kita, Tuhan Jesus penawarta. Kai pe kebutuhennta Tuhan Jesus si
menyediakensa. Amin ?
Pengkenaina
·
Gejapken lah ibas pusuhta
simbagesnakel bahwa kam ras aku enggo ipilih Dibata jadi bangsa pilihenNA, ras
ijadikenNA jadi anak anak siikelengina kal.
Labo perban kebeluhen tah kehebatennta, tapi erkiteken keleng ateNA nge
maka kita itarikNa ibas si gelap nari janah masuk kubas terangNA si
ersinalsal.. Tuhan Jesus seh kal belinna nandeleng atena nandangi kam ras aku ras pe man
kerina kalak si tek man Bana.
·
Tugas ta si mbelinna kal bas doni
enda, labo cari makan, tapi meritaken perbahanen Dibata. Dibata beluhen mere ras ncukupi kerina
kebutuhenta asangken kita encara guna memenuhi kebutuhennta. Emaka mari asa
gegehta, asa ngasupta, ibas kerina kesempaten si lit si beritekan perbahanen
Dibata arah anakNa Jesus Kristus Tuhanta.
Amin?
Bujur ras mejuah juah kita kerina.
Pt. Analgin
Ginting.
.jpg)
Komentar